¹ Ane aka fwesa Yesu bo aesi mibeko mehae la bayekoli laabo la baele, aka okowa aho, po bo hani pe bosakoli momolo i hia ikolongi bi moki. ² Yoane aka okoka bobekeli a mbele elahe elinga mesala me klisto, aka mo bekela la ndole e bayekoli ba ahe, ³ oye obai ano eo ko lwa too tokoki bokongi osiaka? ⁴ Yesu aka inesela boo: boke bobekele a Yoane ine eokoki onu pe iyeni onu: ⁵ Ba bofa be hena, bi bosono bi yela, baito ba mbala be petwama, ba loko be okoka, ba wei be sekwa, pe lioyi liitani li kalembesana ngi ba bola. ⁶ Anangelane ano etsiokoyalele ngo libia li bokwesami! ⁷ Une etekiaka boo, Yesu aka banda bobekeli ba lindji na tsina e Yoane: mbi ikei onu bokalitsi a londuhu bolimbi mete? likoko li nongesi yefofo? ⁸ Kasi mbi ikei onu bo kalitsi? mito emoyi etoli tulu i lokumu? Ena, bane betoli tulu i lokumu be yalakola a mbele e bokumi ⁹ Mbi ikei onu penza bo kaliti? Profeta emoyi? Eiyee, lebekela onu, pe bweteli profeta? ¹⁰ zambi yee ebai ano ete kokoma: lita, nga toma mosumba mboli uwa felo e bosuo bowao, Po e bokengi ndole felo elaho. ¹¹ Lebekela onu la bosolo, katsi e bane be otema la baali ite tsuaka yeteli likolo a ine Yoane Mobatisi. Bongo ane ekekeli boeti momolo e bo kumu bo likolo ekolongi bweteli ye. ¹² Ko yeleko ye Yoane Mobatesi tee kwa sikane bokumi bo likolo bohelanesi, pe ibai baito ba lokulu nde be punza yo. ¹³ Zambi ba profeta pe mobeko bo te bekela tee kwa Yoane. ¹⁴ pe la bo kundji bososoli yo ane ebai Elia ano etekoka la bo lui. ¹⁵ Ano ebai la batoi po e bo koki aokoke. ¹⁶ La nda ekoki ngo boulanesi la yene yelenga? Ye ulani la bana beyali la bisikani bi ewolo pe bane bwekeli la bana basiaka, ¹⁷ be beka: osu toka ofa lifili pe onu botsi hoyi; osu to ka hamba bahambo mbe, pe onu betsi angwesi. ¹⁸ Zambi Yoane e lui, ta bo lei taa bo noi, pe bo beka: ebai la molimo mbe. ¹⁹ Mona o lome e lui, e lia pe e nwa pe be beka: yee ebai molei pe mo noi, winina o baito mbe pe ba baito be biti bohumake. Kasi bweli bo kalengesama la mesala melahe. ²⁰ Mbuse aka banda bosemesi hia ikolongi ine itekelama bakamwisi ba hahe pe bine bitsi te boongolama. ²¹ Bowa bo aho Kolazini, bowa bo aho Betesaida! zambi la bikamwa bine bi tekelama kati kati e ino ite kelamaka a Tyr pe la Sidon, o bofelo bete oongolamaka, la botoli ngoto pe laa moutu. ²² Po emoli le bekela onu a mwasa une wu'osambisi Tyr pe Sidon be tsi oko kela boo matata bofela kune onu. ²³ Pe oye, Capernaum, oko lilama tee ko likolo? Tee oko isela tee la boheni bo loko: zambi, la bikamwisi bine bitekelamaka kati kati elaho, bitekelamaka a Sodon imba yalaka ituta bonoombe. ²⁴ Tina emoli le bekela onu: a mwasa u bo sambisami, moki u Sodon motsio ko sambesama makasi kune oye. ²⁵ A emoli yeleko, Yesu aka sila lioyi pe aka beka: Nga mokumesa, Aha, kolo o likolo pe e mbu aene eitsi oye yo mbeko la bweli pe o baito ba ayele, pe oka yenesa la bana bake. ²⁶ Eiyee, Aha, le mokumesi ene ndenge ekundeli oye oyo. ²⁷ Bima kweitu be esalemi la Aha, pe ata mito etsi lembeli Mona te, la etsi bai Aha, ata mito etsi lembela Aha, la etsi bai Mona pe ano e kundji Mona bo moenesi. ²⁸ Bo lwe ngua, onu baito be heni pe beyali a meliko pe leo ko aesani onu bo heni. ²⁹ Tola lumbe lowa likolo li ino pe bookoke mebeko meha, zambi lebai hayi pe iyiselisi a motema pe boko oukola bo hoomi bo melimo boino. ³⁰ Zambi lumbe loha lobai hai pe moliko oha mofafwani.