¹ Yesu akaliala, la molimo mosantu, akawula a lianga li Yaladene pe molimo ukakia la ye a nduhu ilimbi mete. ² ine isikani imomekaki djabulu baose tuku mekeleka. Soo bolei woo baose ngia, pe, mbuse e woo baose, akatata semba! ³ Zabulu aka mwekela: la obayi Mona o Mongalima, aesa mitindo a line limukele lilenge ifoe. ⁴ Yesu aka mwineselia: Ikomami: Mito etsuma soko la tofoe. ⁵ Zabulu aka molilesa likolo mingi, kwamo, aka mwenesa bokumi bo Mongalima a mbu kwitu, ⁶ pe aka mwekela: leoko mwaesa line lokulu kolotu, pe kembo e bone bokumi bo Mongalima, po ine betaesi ngo, pe le aesa la ano ekundji ngo. ⁷ La okofela ngo balui felo ela, lokulu kolotu lokobia lelao. ⁸ Yesu aka mwineselia: Ikomami: kumesia nkolo Mongalima uwao, pe omosaele ko ye matuke. ⁹ Zabulu akakia la ye kwa ituta a Yelusaleme, aka mwisa likolo li mbele e Mongalima, pe aka mwekela: la obayi Mona o Mongalima, ya mina tee kwa mbu sese, po ine ikomami: ¹⁰ Eoko aesa metindo la ba anzelu ba wahe po elao, po ine bamobatele; ¹¹ pe: beoko motola a bafindji ba ibo, la boangi te mokele uwao utsitutane a limukeli. ¹² Yesu aka mwineselia: Beeki, otsikoki bomeki Nkolo, Mongalima uwao. ¹³ Mbuse e bomomeki ndenge kwitu, Zabulu akakia esika po e bokongi emoyi ngonga iyali. ¹⁴ Yesu, aka liala a ngulu e Molimo Mosantu, aka hula a Galilea, pe mboli iyahe ikatsangana hia ngia i penepene. ¹⁵ Eeteya kati e Synagoga, pe be mokembela bisikani kwitu. ¹⁶ Ekiaki Yesu a Nazalete, ene eotami pe efuli yee, pe la ndenge e bokoko boibo, aka hola kati e Synagoga mwasa u sabato. Aka emala po e botangi, ¹⁷ pe baka mwaesa buku e polofeta Isaya. Ak'uwola loo buku, akatuma yo'isikani bekomi: ¹⁸ Molimo u Nkolo ubayi ngwa, po ine enooli ngo po le tangole mbeko iitanake ngu baito ba botundake. Etomi ngo po e boumesi baane betenei motema. ¹⁹ po e bosakoli bumake bo baito be bwami la mbeko mbe, pe ba bofa baene, baane be mbwami, baukole lipanda, po e bosakoli ngolu e Nkolo. ²⁰ Mbuse emoli, aka nanga buku aka ulesa ngu mosali,pe aka yala.Baito ngia baane beyalaki kati e Synagoga be moliti soko yee. ²¹ Kwamo, aka banda boekeli boo: bonoombe, line lioyi li likomi liokoki onu, ika kokesama. ²² pe boo ngia baka tangola; Baka kamoa a lioyi li ngolu li tsui a monoa uwahe, pe be ekaki: Ano ta mona o Yesefu? ²³ Yesu aka baekela: soo monga, bookoekele yene yekwe: Mongo o sasia, yumesa oye mangine; pe bookoekele: kela ane, kati e lohia lolao, bine bikeli oye a Kapalanauma, ndenge eokoki osu. ²⁴ Kasi, akabakesa, nga ekela onu ko liekela, polofeta ata emoyi betsi mwinola ngwaye. ²⁵ Nga ekela onu ko liekela: ite biaka baali beweeli balome bofela a Isalaela tango e Elia, ene tango etenangemaka loola bilanga bisaso la ngenge mbalemoi pe semba eteholaka a mwano kuitu ²⁶ pe, kasi, betsitomaki Elia ata ngu mwali omoyi, soko ngu mwali eweeli molome a salapeta kati e moki u Sidonia. ²⁷ Ite biaka pe lokola baito ofela ba ngenzi o Isalaela tango e polofeta Elisa; pe so mito emoyi ete petolama, sanga Naamana, mito Sulia ²⁸ Boo ngia beliali a wango kati e Synagoga, ane eokoki boo lo liohi. ²⁹ pe ane eemali boo, baka mobila a lohia lo mbau, pe bakakia lahe likolo li itsikolo itefukaka boo lohia lo mbau loibo, po ebo mokwesi sese e mbu. ³⁰ Kasi Yesu, aketa kati eibo, akakia. ³¹ Ak'isela a Kapalanauma, lohia lo mbau lo Galilea; pe e sakola mwasa u sabato. ³² Baito be kamwa la ndenge e lahe e bo aesi bateya, po ine e eka a bokumi. ³³ Ane eyalaki ye kati e Synagoga, mito omoyi oolome ano ebiaki a molimo mbe mbe u mbindo, pe e ofa miwii a mohehe makasi: ³⁴ Ah! mbi ibayi kati la osu pe oye, Yesu mito Nazaleta? Olui po e botoungesi. Le lembeli obayi nda: Mosantu u Mongalima. ³⁵ Yesu aka mwangoela, la boeki: yala hai, pe tsua ngu ano mito. Pe molimo mbe mbe ukamofilinga kati e baito, pe akatsua ngwaye, etsi mokeli soo yema yebitake. ³⁶ Baito ngia baka kamoa, pe be yaekelana kati e ibo: yao liohi? Eaesa mebeko a bokumi pe lokulu a melimo me mbindo, pe baka tsua! ³⁷ pe lina li lahe lika tsangana bisikani kohitu bi penepene. ³⁸ Ane etsui ye o Synagoga, akakia a mbele e Simoni. Inena obili bo Simoni etati fefele makasi, pe bakalonga po elahe. ³⁹ Aka ukama ngu aho mwali, aka angwela botati bo fefele, pe fefele eka fwela. Kwamo, mwali ak'emala, pe aka baesa bima bi olei. ⁴⁰ Mbuse e bwiseli bo mwasa, baka molwela a baito ngia baane betati. Aka ba isela bafindji pe akumesia bo. ⁴¹ Melimo me mbe mbe pe mekatsua ngu baito ofela, besumba mehui pe be eka: obayi Mona o Mongalima. Kasi eba'angwela pe etsi aesi bo ndingisa e bopomi lio liohi, pamba te belembeli ine ebayi Kilisito. ⁴² Ane etsui mwasa, akatsua pe akakia a isikani ilumbi nduhu. Lindji li baito be yamopala, pe bakatsua ngwahe; bepala bo moemaesi po ine atsi batsile. ⁴³ Kasiaka baekela: Lesengeli pe le hambole sango malamu li keka li Mongalima a isiaki hia i mbau, pamba te betomi ngo po e lio liohi. ⁴⁴ Pe aka sakola kati e ba Synagoga i Galilea.