¹ Katsi e yelanga labo la homoi bo bokumi bo Tiberius Kaisala-yeleko yete yalaka Ponse Pilatu kumi e moki u Yudea, Herode ete yalaka kumi e Galilea, monginena Filipo ete yalaka kumi e lohia lofulako lo Iturea pe la Trakonitisi, pe Lysaniasi ete yalaka kumi e Abilene, ² yeleko yene yete yalaka Anasi pe Kaifa bakumi ba Mongalima ba meyuda, liohi lika tswa a mohehe u Yoani mongo o Zakaria katsi e londohu lolumbi biingi. ³ Aka kia muku kometu katsi e moki u loye lo Yordani, bohani po e batisimo pe bolengesi motema po e bolimbesani bo basumu. ⁴ Kune ite komama katsi e buku e liohi li profeta Izaya, " Mohehe umoi u okotswa katsi e londuhu lo lumbi biingi, Bokenge ndole e, Kumi, bo engalesi ndole wali pe semba. ⁵ Bitsikolo bikekeli ngia bi oko engala, pe bitsikolo bikolongi la bine bisiaka bi oko yala seese, pe ndole i libunu i okoyala semba, pe bisikani bine bi liana bi oko likama, ⁶ pe menio ngia me oko ena bo umesi bo Mongalima". ⁷ Sikane Yoani aka bekela bapagano bane bete lwaka po bobatisami nguahe, " Onu yelombo ye fele! Nda aka bekela onu ine botsile bwango bo Mongalima bone bo oko lwa? ⁸ Sikane, botusesi huma i bolongi bolembesi basumu, pe botsi beke katsi metema mia ino, " Tobai la Abrahama aine Aha o iso; po ine le bekela onu ine Mongalima e bai la makoki ba botuseseli Abrahama banuku katsi e bane bamukeli. ⁹ Simiko sikane mesile me emalesi mote, mete kometu ngia mene metsi aesa huma iitani me oko tenana pe me oko filingana katsi e yohe". ¹⁰ Pe bapagano baka mo uhola, baka beka:" Mbi kahe ikoki osu bokeli?" ¹¹ Aka inesela boo pe aka beka, " La omoi katsi e ino ebai la tulu yele, afakele mito ano elumbi, pe ano e iki bima bi bolei akele sokoyo". ¹² Baito bane be endesa pako bakalwa bolongi batisimo, pe baka mo bekela, " Mohani, mbi ikoki osu bokeli?" ¹³ Aka bekela boo, " Botsi endesi bo eteli la kinda ene ekoki bo endi". ¹⁴ Basola baka mo uhanesa aituta: Osu kahe, mbi ikoki osu bokeli? Botsi luhole mbela i baito la lokulu pe botsi filinge baito la isuma: Bo ukole saka ine ikoki po e lifuti lia ino". ¹⁵ Baito bete yalaka la yelikia pe beya bekela boo matuke ambi Yoani etsi bai "Mesiya". ¹⁶ Yoani aka inesela boo ngia: " Ngo le batesa onu katsi e baye. Kasi mito omoi e okolwa, ano e eteli ngo la lokulu. Inzi bai la ndingisa e bomo uholi meliki me sapato i ahe. Yee, e oko batesa onu la Molimo Tsanga pe la yohe. ¹⁷ E oko yala la bafinzi ba ahe yeleka ye bokengi isikani pe la moyungulu po e bo itsi loso katsi e mbele. Kasi po biingi bitsikali e oko filinga katsi e yohe po e bo ambaki. ¹⁸ Yoani ete biaka bo aesi baito mebeko pe bosumbeli boo mboli nzali. ¹⁹ Yeleko ete fetesa yee Kumi Herode bosili Herodiade mohali o monginena, pe po ine etekela yee mbeko mbembe bofela, ²⁰ Herode aka bakesa katsi e mbeko mbembe iyahe bo sumbi Yoani katsi e mbele linga. ²¹ aitto bofela baka bila Yoani po bo easi boo batisimo, Yezu pe akasila batisimo, yeleko yene bete yalaka boo besambela, likolo lika uholama, ²² pe Yelimo u Tsanga uka esila likolo liahe, la lolenge lo bilongo bi ebenga pe mohehe umoi ukatswa muku u likolo:' Oye obai mongo owa, ano o lokundo. Lebai la yenanga po elaho". ²³ Yezu ete yalaka la mebu metuku mesaso yeleko ye te banda yee yesili ye ahe. Ete biaka kune ete bandaka bosumakesi po elahe aine ebai Mongo o Yozefu, Mongo o Heli, ²⁴ Mongo o Matthat, Mongo o Levi, Mongo o Melki, Mongo o Yannai, Mongo o Yozefu, ²⁵ Mongo o Mattatias, o Mongo o Amos, Mongo o Nahum, Mongo o Esli, Mongo o Naggai, ²⁶ Mongo o Maath, Mongo o Mattatias, Mongo o Semein, Mongo o Jozek, Mongo o Joda. ²⁷ Joda ete yalaka Mongo o Joana, Mongo o Rhesa, Mongo o Zorobabel, Mongo o Salathiel, Mongo o Neri, ²⁸ Mongo o Melki, Mongo o Addi, Mongo o Kosam, Mongo o Elmadam, Mongo o Er, ²⁹ Mongo o Josuwa, Mongo o Eliezer, Mongo o Jorim, Mongo o Mattat, Mongo o Levi. ³⁰ Levi ete biaka Mongo o Simeoni, mongo o Judah, Mongo o Yozefu, Mongo o Jonam, Mongo o Eliakim, ³¹ Mongo o Melea, Mongo o Mena, Mongo o Mattata, Mongo o Nathan, Mongo o Dawidi, ³² Mongo o Jesse, Mongo o Obed, Mongo o Boaz, Mongo o Samon, Mongo o Nahshon. ³³ Nashon ete biaka Mongo o Aminadad, Mongo o Admin, Mongo o Arni, Mongo o Hezron, Mongo o Perez, Mongo o Judah, ³⁴ Mongo o Yakobo, Mongo o Izaka, Monogo o Abrahama, Mongo o Terah, Mongo o Nahor, ³⁵ Mongo o Serug, Mongo o Reu, Mongo o Peleg, Mongo o Eber, Mongo o Shelah. ³⁶ Shelah ete biaka Mongo Kainan, Mongo o Noah, Mongo o Lamek, ³⁷ Mongo o Methuselah, Mongo o enok, Mongo o Jared, Mongo o Mahalaleel, Mongo o Kainan, ³⁸ Mongo o Enos, Mongo o Seth, Mongo o Adamu ano ete biaka yee matuke Mongo o Mongalima