¹ Molembo u Moize mo bai soko la yelilingi yemoi ye bima bine bi okolwa pe so yelimalima ye simi ko bi liekela. Motsi koki so mbala emoi botoli mito la lolenge lo tsanga po ine mito aya file ngi Mongalima po emoli mbeka ine i aesaka boo mobu la mobu. ² La ite kokaka koyo, bane be aesa mbeka bete kokaka ko felo bomini bokeli koyo po ine, bopetwami mbala emoi libela, betsi kokaki ine bayale la bakanesi ba basumu. ³ Kasi, yo mbeka itongolesa mbula ngia line likanesi li basumu. ⁴ Sokoyo, itsi koki ine ngelo i ngombe pe i kondolo i okofesi basumu. ⁵ Ibai sokoyo, boholi katsi e mwano, Kilisito ete beka ine: Otsi te kunda so mbeka, so libonza: otekele ngo bilongo. ⁶ Otsi bai la yenanga ye nama ine i ahambaka boo, la libonza li masumu. ⁷ Sikane nga beka: ngo ano nga lwa, kune ekokamami yoo katsi e yesali ye buku e Mongalima ibai po ela ine po e bokeli, O Mongalima lokundo lo laho. ⁸ Mbuse e bobeki felo: Otsi te kunda mbeka, to bafako, to bo ambaki nama la yohe, fini ko mbeka po e basumu ine i aesa boo ko la kinda e molembo. ⁹ aka beka ko aisiaka: Lita, nga lwa po e bokeli mokano u aho. Aka filinga une u felo po e bo inoli une u mbuse. ¹⁰ Ibai po emoli mokano nde e aesaneli osu mbeka ko la lifako li bilongo bi Yezu Kilisito, mbala emoi po e seko. ¹¹ Pe tango e ambaka moambaki mbeka yesili ye ahe pe e aesa mbala bofela saka imoli mbeka, ine itsi oko fesa basumu. ¹² yee, mbuse e bo aesi soko mbeka emoi, akaya yalesa mbala emoi la lilome li Mongalima. ¹³ bokongi sikane aine banguna ba ahe bayale seese e mekele me ahe. ¹⁴ Po aine soko po e mbeka emoi, aka tola katsi e boitani bane bete yaesa mbeka. ¹⁵ Ibai ine i enesa Molimo Tsanga aisiaka; po aine mbuse e bobeki: ¹⁶ Lita molembo une u okokele ngo laibo mbuse e boo baose, e beka Kolo: le oko isa mebeko meha katsi e metema me aibo, pe le okokoma yoo katsi e melimo me aibo, aka bakesa: ¹⁷ Nzi okokanesa aituta basumu baibo too pe la mbeko mbe yaibo. ¹⁸ Sokoyo, ane ebai bolimbesi bo basumu, itsi yali la mbeka po e basumu. ¹⁹ Ko oyo bangwaya, fuko ine tobayi a bakoki ba boholi a isikani i tsangaa i Mongalima a ndole e ngelo i Yesu, ²⁰ Ene uwoli yee mpo eiso aine ndole efaifai mpe bumake a ndole e tulu bwahei, ikaeka ine, bilongo biyae, ²¹ Mpe fuko ine tobayi a nganga e Mongalima efulaku iisami a mbele e Mongalima, ²² Toyafile a motema semboo, katsi e bwinoli byaiso bi soami a baye bebayi pee. ²³ Tobatele kikili yelikia yeiso, fuko ine ano etaya liuna ebayi seemboo. ²⁴ Tokele kenge kenge bopotesani bamoi a basiaka, fuko e boyali a lokundo mpe mesala nzali. ²⁵ Totsimine bosangani,kune ebayi momesano u bamoi,kasi tolendesanake, mpe imotsi fuko ine bweni mwasa umoli ukangana. ²⁶ Tsina ine, la tokakela mbeko mbe a nko mbuse e boukoli bolembeli bo liekela, mbeka i bikweli itsiyali aisiaka, ²⁷ Kasi twambeli soko yesambi yemoi ye boma mpe yohe A timoli ine yokohiakesa metomboki: ²⁸ Ano euni molembo u Mose eekowa so bowaowa a boeki bo ba temo baele sumi basaso; ²⁹ Yetumbo mbi ye mbembe yekanesi onu ineano ekoki bosambesami ibayi ano ekohoa a mekele e Mongo'Mongalima, ano ekosekaka ngelo i bwinolami, a ndole e imotsi etetsangesama, mpe ano ekonyokola yelimo ye yeboto, etsikoki boukoli yetumbo yeeteli lokulu? ³⁰ Fuko ine tolembeli une eteeka ine: Baulesi mbeko mbe ibayi likita lilaa, ngo nga mito o menyoko! Mpe aisiaka: Mongalima eekosambesa baito bahahe. ³¹ Ibayi likita li boma bokwei katsi e ndala i Mongalima u buumi. ³² Bokanesa baose ba felo, mbuse e bolembeli, bokalana tuma efulaki katsi e menyoko, ³³ Une mwatsi, besekakola mpe benyokola onu felo e baito aine a isikani i tokia, mpe usiaka mwatsi, besanganisa onu a bane betsilengesa biyaeli mpe bakita baibo. ³⁴ Boyo, bokelaki baito ba linga bowa, mpe bwinolaki a yenanga inebasile bima bya ino, la bolembeli ine bobayi a bima bieteli mwali mpe bine biumoa baose kwatu. ³⁵ Sotsika boeki bahoyi ba liekela mpe semboo fuko ine lifutsi limotsi likolongi. ³⁶ Tsine ine bosengeli a iyaala katsi e bwinoli, tsina ine mbuse e bokokesi mokano a Mongalima, boukole ine iunami onu aine liuna. ³⁷ Kwaisia peni, a yekeleko peni: ano ekoki bolwi eokolwa, mpe etsiokoumoa. ³⁸ Mpe moyengebeni uwa eokuma a ndole e bwinoli; kasi, la okaula mbuse, molimo uwa utsi monangela. ³⁹ Osu, totsi bayi bane beula mbuse mpe a libebi, kasi bane bebayi a bwinoli fuko e bumesi molimo waibo.