¹ Ainzi nga boyambi bobayi bonangi motema, boliteli bakita bine biyeeli, bwenesi bine bitsenena. ² Po eboyali a loo, bane bafelo felo beukolaki litatoli lihitanake. V 3 A ndole e boyambi, tookolembela ine mwano utekelama a lihoyi li Mongalima, a ndenge 'te yene ye ena osu etitekelama a bima bine bieneni. ⁴ La boyambi bo Abele aka aesia Mongalima lifako line lihinolami a bweteli u Kaina; a emoli aketama mosembwi! Mongalima akinola bafako bahahe; pe a emoli epoma alingina simi nga ewei ye. ⁵ La boyambi bo Enokia etekia likolo po atsiene loko, pe atsienene poine Mongalima etemokesa likolo; fuko ine felo e bokei, eteukolaka litatoli oine eyalaki wali ngi Mongalima. ⁶ Ainzi nga la boyambi etsibayi, ibayi matata bomonangelesi, po ine ano eyafila a Mongalima ainole une Mongalima ebayi, pe ebayi ano eluta bane bemopala. ⁷ La boyambi bo Noé, eukolaki baambo bo Mongalima, po e bolembelesi bakita bine bitsenana, pe bohangi umoi u botosi linzi, bofuki waato efulaku po e boumesi liota lilahe; a emoli ekweisi ye mwano, pe ekwei ye mosangoli u sembo une eukoli ye a boyambi. ⁸ La boyambi, Abalayama eetamaki, akatosa pe akakia isikani etsilembeli ye, kohe ekya ye. ⁹ a boyambi, akayala a mbu yene yetelakelamaka ye une mbu e lifaya, bumake sese e nganda, ndenge emoi Yisaka pe Yakobo bakasangola sanga yoo bilaka. ¹⁰ Fuko ine ekongi lohia lone lopoti moboko, ene Mongalima ye mangine ebayi mofuki. ¹¹ La boyambi, Sara ye magine simi nga baose iketa efela, etelenga boukoli yelombo, po eteinolaka a sembo ano etemokelaka yelaka. ¹² La tina emoli molome emoi kala etui a ilongo, etui elombo ofela aine menopeto me likolo aine mungele ubayi kelekele e liange pe yene etikoki otangi. ¹³ La boyambi, bakawa bo ngia, so boukoli bima bine belakami, kasi beenaki pe baesaki bafaya a esika, a bolembelaka ine beteyalaka bafaya pe bane beeta ndole likolo li mbu. ¹⁴ Bane beeka lo ndenge basaka te, bepahana lohia lomoi, ¹⁵ La beyalaki a posa e isikani etsui bo, beyalaki a ngonga e bohili. ¹⁶ Kasi sikane benangeli yene ye wali, yelimbolami ye likolo, a tina emoli Mongalima etsibayi a bosambo bwetakemi Mongalima oibo, fuko ine ekengeli bo lohia lomoi. ¹⁷ La boyambi, Abalayama akafaka Isaka, ene yekeleko eisami a emekeli, pe akaesia mona'olome emoi elahe, ye ano eukoli bilaka. ¹⁸ pe la ye ekelami: la Yiska eokoyala po elaho yelenga efulaku e baito. ¹⁹ Bekanesi ine Mongalima ebayi a ngulu, simi nga botusesi bane bewei! alingana la bohuwoli boo a ndenge e lisekwa ²⁰ La boyambi, Yisaka akahamboa Yakobo pe Esau, a tina e bahoyi bine bibayi felo. ²¹ La boyambi, Yakobo akawa bohamboi mona o mona omoyi o Yosefu, pe esambela, a boya bosukeli suka emotungu owae. ²² A boyambi, yYosefu akawa a bokanesi botsui me myenga me Isilaele pe bwaesi mebeko a tina e bowei bwae. ²³ La boyambi, Mose a mbotama elahe, bakamwita ngenge isaso a baboti bahae, po ine mona eteyalaka mwali, pe betite hangaka mobeko u mokonzi. ²⁴ La boyambi, Mose akakwa lifulaku, akafeta bwetakemi mongo o iyonga o Falao. ²⁵ ekundaki malamu baukole menyoko esikani emoi a baito ba Mongalima la ine bayale po e bonangeli a lisumu. ²⁶ bolitangeli bosambo bo Kilisito aine bohukoli bone bweteli bohukoli bo ezipito, fuko ine eyalaki a baiso boliti likolo li lifuti. ²⁷ La boyambi akatsika Ezipito, so boyali a bohangi a bwango u mokonzi, fuko ine akayaenesia bonangi moteme, aine eeni yene etsienenakola. ²⁸ La boyambi, eyalaki pasaka pe bautakema bo ngelo, po ine moholaki atiise ndala a myenga me felo me Isalaela. ²⁹ La boyambi, bakatenesa liange lihamake aine esikani yomeli, ainzi nga ba Ezipito bane beyalaki bo meki baka melama laye. ³⁰ La boyambi, bitutu bi yeliko bikwei, mbuse e bozungulaki baose ombaitwele. ³¹ La boyambi, Lahaba mwali o ndumba etsiwei esikani emoi la batomboki, po ine eteyambaka banongi a ndenge e wali. ³² Pe leeke mbi alingina? fuko ine ndjiki ngonga po e boeki a tina e Gedeo, e Borak, e Samunsona, e Yefeta, e Dawidi,e Samuele pe e ba polofeta. ³³ Bane ba boyambi bakalonga mekonzi bakakehela sembo, bakahukola bilaka, bakananga menwa me Nkosi. ³⁴ Bakalima lokulu lolahe, bakayakasola a botueyaka u yeleka, bumake a ba pasi eibo, biteenaka balani ba tuma, bakabila bapinga e lifaya. ³⁵ Bionga bakena melonda myeibo a lisekwa, basiaka baakisama a metungisi, pe bakafeta bokangolami, po ine baukole lisekwa liitani; ³⁶ basiaka bakahukola boolami, pe la fimbo, bonangemi pe boloko. ³⁷ Bakaofama babanga, bakatenama a scie, boofami, bakawa boolakemi a yeleka, bekia mwatsi a mwatsi petole loteto lo meme a loteto lo mpate, botiolami la mito ngia, bonyokolami, boenesi mpasi. ³⁸ bo mwano uteyalaka malamu, boyelayeli a nduhu ilubi mete, pe la yetsikolo, la habulu pe a bisika bi mbu biitama nama. ³⁹ Boo ngia, mbala emoi beisameli litatoli, betsihukoli yene etelakemela wo. ⁴⁰ Mongalima eeni ye emoi u Walingiso, po ine batitsue so osu a boitamake.