¹ Lita felo, bakundami baha, mokanda u mbala eyele ene e komeli ngoo unu. Kati kati eemoi pe kati kati aesika leepaine e bola mukisi a babokebisami a bayele baino bilu mbi mbeko mbe, ² Po ine boyanisele bakita biekami felo a basatu basakoli, pe a botomami u Nkolo pe moumesi, ³ Esakami a batoma, le mbela felo ngia te kati ebaose basuka, bekolua baito baholi la litsiho, boyeli a ndenge e posa eibo a ngine, ⁴ Pe beeka kohe elaka e bolui bohahe? Zambi, koetetsua baise, ngia ibai sanga ndenge e tebandaka lboo a bokelami ⁵ Bekundji balendanesi, la boye, te likolo iyalaki ndenge e felo a liloba li Mongalima, ndenge e moli kwa mbu e lutami a baye pe ikengami a ndole e baye, ⁶ Pete a boo bakita u mwano u bebe e lindame a haye, ⁷ Zoka nde, sanga a liloba limoli, likolo pe se a sikane ilengelami pe ibatelami po eyohe, po e mwasa e osambisi pe e libebi e boito betsiinoli Yesu; ⁸ Kasi ibai yema emoi, bakunda baha, te botsilendanesi, te, felo e Nkolo, mwasa umoi ibai aine mbula koto, pe mbula koto aine mwasa umoi. ⁹ Nkolo etsikongi te kati e bokokesi bilaka, aine baito emoi bekanisa; kasi ekeela motema bosa po ine etsikundji mito omoi afenge, kasi ekundji te baito ngia balue a bolenge. ¹⁰ Mwasa u Nkolo uyeli aine bwiba, mwasa umoli likolo likoela a etole, bima binangani biokonangwa, pe la mbu a mesala memolingi meokowambaka. ¹¹ Po ine boo bima ngia ekoki etsinane, etsiyale bosatu e boyelesi eino pe la bolumbi litsio. ¹² Zaka nde bokongi pe luwele bolui u mwasa o Mongalima atina emoli likolo liokohiaka etsenana pe bima biangani bioko nagwa! ¹³ Kasi tokongi, a ndenge e bilaka bihahe, likolo lisika pe mbu e sika esikani e koyala bosembo. ¹⁴ Po emoli, bakundami baha, a bokongaka loo bakita, oyaesi boyali a botumani lahe soli tono pe bine bifetisi boo kati e kimia. ¹⁵ Inola te bolumbi bokeli boo yema e Nkolo eiso ebai boumi, bo, ino, aine mokundami wali mongoaya Polo ekomeli unu, lalolenge lo bweli etemwesamela ye. ¹⁶ I moli ikela ye a mekanda mehahe ngia, kohe ebeka a bio bima, kati emoli ibai a basikani lotsili a bososoli, a baito betsilembeli yema pe betsi lakisami wali belengesi a ndole aine ndenge bakomi esiaka po e libebi eibo angine. ¹⁷ Unu sikane, bakundami, ano eteekelamaki, isa isikani botaleli unu boangi a bopusami a boungesi mito libebi, bo tsitelua aboisesi a bonangi. ¹⁸ Hola kati e ngolu pe kati e lisosoli li Nkolo eiso pe moumesi Yesu klisto ano esameli kembo, sikane pe po e seko.