Yelingi 9
V 1 Etsi mwesameli ngo ndole le komeli unu atina li likita li lifako ngu ba bulami.
2
Lelembeli, atina, e metema wali e ino, le mekumesia po e ino ngu baito ba Masedonia , a boyeki ine Maakaya abayi a boselengui a elanga e felo; pe yala atina e ino etoma molango ofulake.
3
Le toma banginena atina e lokumu ekela usu po unu etsi bayi okunda a likita ine pe bo bane baka yalengelama, a ine leyeki.
4
Tsikundji ine baito ba Masedonia ba bayele la ngo pe beti kute unu boyalengeli, usu tokokoka bosambo po ine totsi eka a ino.
5
Nga yakanisi penza leyetaki bangwa ya toke felo ehelo ngibo pe toyayeisia li ino ete yeka boo po ine eyalengela a ndenge iyale lifako li yitani pe etsiyale ndenge e pako.
6
bolembele ine ano e hona peli e lita peli, pe ano e hona lindji e lita lindji.
7
Mito la mito a esia o ine ekundji motema elahe, atsiyale a bowaowao po bofulamesi; po ine Mongalima ekundji bane be esia a enanga.
8
Pe Mongalima ekoki bwesi unu bolamu e ndenge la ndenge a tina ine bo bane tango ngia a bima kwitu ine bo ya nangesi kamo e ino, bo bayi a esia lindji po e misala miyitanake kwitu,
9
loo ndenge ekomami: E kwesia a batundu makabo lindji, bolamu elahe eokumwa seko.
10
Ano esia kona a baoni pe ifoe po e bima bi lahe ye, boko mwesia pe bo ko fulukesa baoni, pe ekofukelesa uma i bosembo e ino.
11
E kokomesa unu baito ba mongongumoi po ine bokoki bwesi bainina e ino; loo ndenge baito efela beekoulesa matondi ngu Mongalima a ndole e iso.
12
Po ine eko kelaka unu esili iyitanake ine ebayi po ebofwesi a kamo i babulami kasi eyali esiyika likaka li mesala efela a boulesi matondo ngu Mongalima.
13
Esili ine ebayi po ebotatweli unu felo e baito, beko kumesa Mongalima po e botosi e ino a sango malamu i Klisto, pe po e bofulaku li lifako e ino ngu boo pe esikani ngia.
V 14 Be bondela po e ino,po ine okundji unu a tina e ngolu e Mongalima ine e lembelani ofela kati e ino.
V 15 Matondi ngi Mongalima po e lifako li lahe ine etsi lumbeli boeki.