V 1 Etsi mwesameli ngo ndole le komeli unu atina li likita li lifako ngu ba bulami. ² Lelembeli, atina, e metema wali e ino, le mekumesia po e ino ngu baito ba Masedonia , a boyeki ine Maakaya abayi a boselengui a elanga e felo; pe yala atina e ino etoma molango ofulake. ³ Le toma banginena atina e lokumu ekela usu po unu etsi bayi okunda a likita ine pe bo bane baka yalengelama, a ine leyeki. ⁴ Tsikundji ine baito ba Masedonia ba bayele la ngo pe beti kute unu boyalengeli, usu tokokoka bosambo po ine totsi eka a ino. ⁵ Nga yakanisi penza leyetaki bangwa ya toke felo ehelo ngibo pe toyayeisia li ino ete yeka boo po ine eyalengela a ndenge iyale lifako li yitani pe etsiyale ndenge e pako. ⁶ bolembele ine ano e hona peli e lita peli, pe ano e hona lindji e lita lindji. ⁷ Mito la mito a esia o ine ekundji motema elahe, atsiyale a bowaowao po bofulamesi; po ine Mongalima ekundji bane be esia a enanga. ⁸ Pe Mongalima ekoki bwesi unu bolamu e ndenge la ndenge a tina ine bo bane tango ngia a bima kwitu ine bo ya nangesi kamo e ino, bo bayi a esia lindji po e misala miyitanake kwitu, ⁹ loo ndenge ekomami: E kwesia a batundu makabo lindji, bolamu elahe eokumwa seko. ¹⁰ Ano esia kona a baoni pe ifoe po e bima bi lahe ye, boko mwesia pe bo ko fulukesa baoni, pe ekofukelesa uma i bosembo e ino. ¹¹ E kokomesa unu baito ba mongongumoi po ine bokoki bwesi bainina e ino; loo ndenge baito efela beekoulesa matondi ngu Mongalima a ndole e iso. ¹² Po ine eko kelaka unu esili iyitanake ine ebayi po ebofwesi a kamo i babulami kasi eyali esiyika likaka li mesala efela a boulesi matondo ngu Mongalima. ¹³ Esili ine ebayi po ebotatweli unu felo e baito, beko kumesa Mongalima po e botosi e ino a sango malamu i Klisto, pe po e bofulaku li lifako e ino ngu boo pe esikani ngia. V 14 Be bondela po e ino,po ine okundji unu a tina e ngolu e Mongalima ine e lembelani ofela kati e ino. V 15 Matondi ngi Mongalima po e lifako li lahe ine etsi lumbeli boeki.