¹ Likene lesengeli bohekeli unu po ebakita elitangeli ngo mangine. Behekakine leyali mito okimia tango ene leyalaka ngino, kasi la leyali esika leyalakola mito u matata, lelonga aunu a motema undjali mpe a bobto e Klisto: ² Botshimetome ine lehenesi unu mata ela ene tango lekolwa ngino. Pamba te lekoenesa yoo a molende kwitu ngi baito bane bebahanaki bokanisi ine lelandelaka saka bakita ba bilongo. ³ Kosolo, yelali kaka mito; kasi ndjilanaka a lolenge lu bomito, ⁴ bilaneli bine bikelelake ngo a ntuma bitshiyali saka i bomito, kasi e bahani nga e nguya u Mongalima. Atina emoli ga lefoesakola lokulu lo banguna, bakanisi bahibo biofota. Pe la lofundu ngia lone lo fetesa bahino ndole e bolembeli Mongalima. Atina emoli aisiaka, lelongakola bahito ngia bamayele, pe lelenganesa boo metuke me Klisto. ⁶ Lo oyo, Launu boka banda bohinoli penza, leko banda bohisehi bitumbu a bane betsi kuna botosi. ⁷ Bolitangele bakita ndenge e solo, la mito akanisa ine eyali mito u Klisto, a lembeli ine ngo pe le leyali mito u Klisto aine ye. ⁸ Sumuko ndenge etsisengeli aine leyakumese aisiaka po ebokonzi u Nkolo Yesu ehesi ngo, tsikokela emoli bosamba. Ehesaki ngo emoli po lekenge unu, kasi ta po ebombengisi unu. ⁹ Ndjikandi ine mekanda mela iyangesi unu. ¹⁰ Zambi aine bohekaka: " Mekanda me Polo metokwesa usu metema, kasi la toyali alaye, etsiyalakola a lokulu lomoyi, pe baloba biyahe biyali pamba". V 11 Mito eyekako oya alembele ine: ndenge ekomelake ngo ngino. ¹² Basiaka be pahane bwenesi ine beyali bahito belooki kasi ndjikundi boyamekisi ba boo to aine te leyakokanesa la boo. Pamba te boo betsiyali a mayeli. benangelaka soko po ebizaleli ehiboo ungine; belitakola saka mendelo mene bohangine behisi. ¹³ Kasi ngo ndjikundaka boyakumesi, mondelo une Mongalima eiseli ngo woune, etolaki ngo tii ko ngino. ¹⁴ Ye solo, ngo leyali mito une efelo etoleli uni sango ndamu u monanu e Yesu Klisto. Ane nga heka une, letsiyali bohetesi ndelo, letsiyali boyakumesi po emosala u baito asiaka. Kasi ndelo ene ngo mangine leisi yo ene: ¹⁵ Leisi motema aine bohinoli eunu ufule. Yo nga ekokela ine lehukola lokumu ngi unu. ¹⁶ sok'oyo leke bohekeli sango e monamu a ndohia ingine, esikani ine betsiokoki yoo. Sikane letsikoyakunesa likolo li esili ene baito basiaka betekela ala. ¹⁷ Etekamama une : "Mito ano epani boyakumesi, ayakumesi soko po e bakita bine ikolo etemokehela". ¹⁸ Pamba te, mito ano Nkolo emoinoli etsiyali ano eyahona mito ekokake, kasi saka ano Nkolo enakola mito yohokoki.