¹ Botsiniokole meoowolo, aho bolendesi bo po ine aha owaho: lendesa bana baolome, po ine banga a nohe, ² Bali bane befuli oine banohe, bane beyeli bilenge oine baseka nohe, a lokundo. ³ Tosa mowele bene beyali mewele solo. ⁴ La mowele u moi eyali a bana to bana ba bana bahe, aenesi boo felofelo bolembesi boo a bokeili Mongalima a baito balibota lahe matuke, pe a baekeeli a babotsi bahe wali ine e tehukola ye ngiwo; po ine iitani ngi Mongalima. ⁵ Ano eyali mowele solo soolo, pe a botsikani aisi likanisi liye ngi Mongalima pe boliteli botso pe mwasa bomoleli pe bo bolongi. ⁶ I moli bane biuma a bo ya sepelisi bakawa, simiko e yaliwo a bomoi. ⁷ Baekela bo baohi bamoli, po ine batiyekele boo. ⁸ La mito o moi etsibateli pe bane beyali a libota lilahe, a kafeta bo boinoli, pe e teli a no etsiki sembo. ⁹ Mowele e moi, po ine a komame likolo litina limoli, a tsiyale bai a bilinga sese tuku sumbange emoi, a yale pe mwali o molome u moi, ¹⁰ Baeke pe bakita baitanake po elahe, a fulese bana, a yale mwali o boyambi, boswei mekele e basatu, bosungi bane belimbi bokeli bakita kwitu i malamu. ¹¹ Bofete bawele beyali bolengela, po ine, a ne e nangele boo bomokeleli Klisito nga beyali a posa booholi baengelo, ¹² Pe boluesi bokwesami la bane beteuna bokokani u boibo bo felo. ¹³ A po imoli, bune e tsikeye yema yokeli, a kaya hana boyeli mbele a mbele, pe sanga te po e tsiki yema yokeli pe kwaisia boyelayeli pe bolitsi litsi mbeho, boeki ine etsikoki a boeki. ¹⁴ Le kundji ine bane beyali balengela ba silane, bahote bana, behelesi mbele eibo, ba tsi isi ano e lanesa boo ndole e moi e bwekeli ngo. ¹⁵ Po ine bakalenga ba ka bila zabulu. ¹⁶ La baito bamoi ba bosembo, balome to bahali, to mewele, bosunge boo, pe ekelesia e tsitole mokumba i moli, po ine basunge bane beyali bawele solo solo. ¹⁷ Bameo olo bane bekaba malamu bekoki boisi lo lokumu mbala yele a kwitu, i kelaye botehi pe boenesi. ¹⁸ Po ine bakoma iyeki: Sonanga ngombe monua ene tango etafunaye bima, pe mosali eitani a lifuti. ¹⁹ Sosila bofaki moowolo u moi la yetsiyali bayele to basaso likolo libofaki bomoli. ²⁰ Bane beyali a lisumu bapamele boo mbele e baito basiaka, po ine bamoi bange lokola. ²¹ Ngamoisia mobeko felo Mongalima, felo o Yesu klisto, pe felo e ba Andjelu bane beponami, po ine o tsibatele bakita wo a bakanesi betsitani, ene ngonga e kokela oye bakita, so pona bosioo bo mito. ²² Suisa lifindji likolo limito a liwele, pe so hola a lisumu limito; hoye matuke, yala baose kwatu peto. ²³ Sonua a lisiaka sanga baye; o nue pe mai ndambo e vinie po e solo e laho pebotatsi bowaho. ²⁴ Basumu ba baito bi kenena, simi kofelo ine basambesi boo, aindji ngiano moi, basumu baibo beyalembelani mbuse. ²⁵ Aisiaka, bakita beitani bakenena, pe bane betsitani bi kitama.