¹ La oyo, bangwaya, po ine bolembeli kwa iso endei kinda ekoki bonu bo ya yelesi pe bo lengenesi Mongalima, pe te la ibayi lo kinda ekela onu, toonga onu pe toondela onu a lina li Kolo Yesu la boyeli loo kinda e bokei felo la felo. ² Bolembeli, po oyo, bandeyi bahano totaesa onu la tina e Kolo Yesu ³ Ine ikundji Mongalima ebayi bosantisami boino; ibayi bo yaumakesi bo bilongo pe boya fetesi bosambo. ⁴ Ibayi umoyi la umoyi laa ino a lembele obayi felo i bilongo iyahe kati e bonsatisami pe e smba. ⁵ Taa boyaesi laa tama iyeteli aine bekela ba pakano baane be tsilembeli Mongalima; ⁶ Ibayi ine ata mito atsi kele a monginena yema ye bwiba pe lokundo loo basambo kati e molunga, po ine Kolo eluta mofela la bio bima koitu. Ane etebekelaka osu la onu felo pe to toenesaka onu. ⁷ Zambi Monalima etsi toetaki po e bosoto, kasi la bonsatisi. ⁸ Ane eko filinga bio ba hano, etsi filinga ta mito kasi Mongalima ano ete aesani onu Molimo u mbeko ndjale. ⁹ La ine ibayi i lokundo lo monganohe otsi hale la bosenga lo bokomeli onu zambi bote okoka onu bangine bolembesani a Mongalima la bo kundani bamoyi la ba siaka, ¹⁰ pe ba isiaka, ibayi bine bikela onu ngi bangwaya ko atu kati e Macedoine ko etu. Kasi tolendesa onu, bangwaya, la bosalesi mbala kuitu la lokundo loeteli, ¹¹ pe bo ise longumo loino la boumi hayi, boyaesi la bakita baino matuke, pe la bosali la ba findji ba ino aine kinda etsaesaka osu la onu mebeko, ¹² la tina te boya yelesi la bosembo a boo ngia bane bebayi yeholo, pe te botsi sengeli la mito. ¹³ Totsi kundji, bangwaya, ine boyale la bolendanesi la tina e baane be engala, po te botsi yale la bowawa une ebayi basiaka baane belumbi yelikia. ¹⁴ Zambi la toinola ine Yesu ewii pe esekwi to inela a isiaka ine MOngalima eoko ulesa a ndole e Yesu pe la hahe bne bete wa. ¹⁵ Lita, soolo, line bitebekela onu engebene o lioyi li Kolo: osu baane betsi wii, betsikali, po e bouli bo Kolo totsioko eta felo ebane bete waa. ¹⁶ Zambi Kolo ye matuke ebayi a yelembo yemoyi yeyaesami a mohehe u Arkanzelu pe la lolaka lo moyepe u Mongalima yo ko isela a Likolo pe bawei kati e Klisto be oko sekwa felo. ¹⁷ Nde mbuse, osu baane betsi wii, baane betsikali, tooko lila osu kwatu la boo Likolo li londende a botumani la Kolo kati e mapata, la oyo tokoyala mbala kwitu la Kolo. ¹⁸ Bo ya ondesi kahe ba moyi la basiaka la ba boo bahoyi.