¹ Po emoli, bonangi iboo motema bo iso, pe tohasila mohano o ine totsikale osu batuke a Athenes, ² usu to katoma Timoyé, monginena oiso, mosali u Mongalima u mboli eitanake i Kilisito, po bo yeisi lokulu pe bo alendesi po e likita li boinoli boino, ³ Po ine mitoo a moyi atsi tsangane kati kati e ndumbakeli ine yekoyala, ⁴ po baane eyalaki osu pene pene eino, toka ekela felo felo ine, ine beko toenesa a ndumbakeli, une etekoma boo pe uune elembeli onu. ⁵ Imoli, a bonangi bo wa bo motema, nga toma ba yekele po e boinoli boino, po e bowangi ano emeka baito atsi meke onu, pe totsi kele esili okunda. ⁶ ImoliTimoté aka tsuana ye sikane ngino, aka toisiya mboli iitanake po ebo inoli boino pe boyambi boino pe aka toekela ine boyali a sufenile eiso eitanake baose kwatu, boyali a posa bo tohene ine eyali osu la posa to ene onu. ⁷ La ine, bangwa ya, kati kati e bonyokolami bo iso kweitu i ndumbakeli, osu tokalendesa po e tina emoli, po e boinoli bo ino. ⁸ Po sikene tuumi, po ine onu bomoi boino bo nangemi a Kolo. ⁹ Indeyi lifako li ngolu , ekoki, osu bo aesi ngi Mongalima po e tina e ino, po aenangelo kuitu ine ika ukola osu po e ino, felo e Mongalima e iso. ¹⁰ Botso pe mwasa, tosambela po e ino a posa makasi eisi osu ndenge mbi e kwenena osu la ino, pe bwisi a isiaka ine ilimbi a boinoli bo ino. ¹¹ Mina Mongalima yee matuke, Ise o iso, pe Kolo eiso Yesu, a engalesi ndole e iso po ine to lwe ehelo ngino! ¹² Mina Kolo alilesi tai tai kati e ino, pe a baito kwatu, loo lokundo ine osu matuke toyali a loo po e ino. ¹³ Imoli bonangi metema meino po batsi filinge onu a bonsatu boo Mongalima, Ise oiso, ane ekoyala bikwe bi Kolo Yesu la bansatu bahe kwatu!