¹ Bdia basee bale asee ye kongwa ble baacha babatombele balome babo bodia bale ne heshima hesee,kashi kikondebwakoketa bodia itechina diye Firinyambi ne mafundisho,esabolebwanga. ² Bahaa babe ne balome bale koetabokalende kobazarau kwe sababu aboo ne babotwa nabo kuchila adia babakambele saana kwe sabau balome bashikobariadia melemo yaabo ne babe koetaboka ne bashikokondebwa,kofondesha ne koyatomgeza mianda ena. ³ Mondo obele hesee emokofondesha lkanyi lukine,nanendakaetaboke mianda yabe ne bushima bwe bwana wito Yesu kristo,nane mafundisho yabe kopatana ne utauwa. ⁴ Mondo odia washikwikonda nane ndachebe mwanda hosee,nane ole ne kanangwa we kowazela malongo ye mianda ne mbakaa ye mianda,yabe kole edia koola husuda,ne kosakala,ne kotondana,ne shukuu chibehe, ⁵ ne fuuyo ye maraa kwe maraa mungia mwebando bale ne lokanyi lwabe kooneka.Bashikoyashia kwedii.Bashikowaza ite utauwa ne njela ye koba ne matajirii" ⁶ Kwe bobo utauwa amosaa ne kotosheka ne faida lekata. ⁷ Kwe bobo ndatwabe ne kyendo momosenge lukine totaobee koola ne kiendo momosenge. ⁸ Nane tole ne bilebwa ne ngubo totoshekee ne baendo bedia. ⁹ Nane badia bale mokokonda kobane biendo batakele kole majaribu,kolee moteo,kokela koleboyenga bowelele ne lotemalobehe,ne kole kiendo kesee kyashi kobaketa bando bachame kolee maangamizane koonekaa. ¹⁰ Kwe bobo kokonda falanga ne kombala ye kela kyendo kyesee kye bobee bando bale kokonda hedia,babe kobacha kolehene imani ne bashikuji ekela abo bene kwe lokwa lowelele. ¹¹ Nane awe mondo we Firinyambi,oyachokee mianda edia,olonde sambo,utauwa,uaminifu,kokondana,saburii ne kotalala. ¹² Tuta bita bidia bwachii bye imani kwata mwecho odia we milele wabekwitebwa na koongamaa maungamoo machii kombala ye mashaidi mawelele. ¹³ Nashikokwabela kanuni ena kombala ye Firinyambi obekosababushaa bilemo bisee kuchikana,ne kombala ye Yesu kristo,obekoochaa yabee kwedi kwe Pontio Pilato: ¹⁴ Obekee kanunu eka kwe bwachi,kotashii mashaka,mopaka kaba kwe bwana wito Yesu kristo. ¹⁵ Firinyambi otahidhirishee awe obekuimidiwa,obe ne bokome ikye yake,mofalme we bafalme, bwana we mabwana. ¹⁶ Awe mwenee ikye yakee ndashii kopatikanaa ne maotee washii kuchikana kole nuru etashii koba komoneka,nane kushii mondo kalonga obe komomona,nane ndakaobe kommona,nane ndakaobe komomona heshima ne bokome lebene awe nane milele.Amina. ¹⁷ Mobachongolele matajirii w momosenge we nani obachongelela ndekwikonda nane kutamainela otajirii otashii akoo bodia bamotoma enele Firinyambi obekotwabela bilemoobesee kwe kowelwla ite tobetomele kwe kyanya. ¹⁸ Mobachongolela bakete machii babee matajirii kwe koketa bwachii babe adia koola byendo byabo,babe amosa ne bakinee kwe motema. ¹⁹ Kolee njela edia bataibekele musingii mwachii kwe mianda etabakee ite bobo baobe kokwata bushima bobee kwedi kwedii. ²⁰ Timotheo,uibeke hedia amana osambokanee ne mianda etashii ye dinii ne maana ne mbaka ye lokanyi lobekwitebwa lokanyilwe manuu. ²¹ Kowelela kwe bando bashikochaa mianda hedia bashikokosaa imani nee ma ne ebee amosaa ne banuu.