¹ Bobo motema washikoocha boololo boololo ite kole nyakati we mwishoo bakine bataitengee ne imani,babe kuunguchwa motema obekodanganywa,ne mafundisho ye mashetani. ² Kolee manuu ne unafiki dhamiri yaboo etafululushwe. ³ Batabachibele kosela ne kopokela bilebwa bele Firinyambi obekoomba babidichee kwe shukrani mungia mwaboo babe kuitaboka ne bale kocheba kwedii. ⁴ Kwe sababunkela kiendo kele Firinyambi obekokeomba ne kiachii.Kuushi kelee tolemonebwa. ⁵ Kwe sababu kiabe kiashikotakashwa koetela mwanda we Firinyambi ne kwe njela ye kwengela. ⁶ Ite otabekee mianda ena kombala ye mobotwa,nao,otabee motomeshe mwachii we Yesu kristo.Kwe sababu washikozobela ne mianda ye imani ne kwemafundisho machii obee koyalonda. ⁷ Bobo mokone hadishii ye momosenge yabee kokondebwa ne banabakachii banunu,kombala yaakee,ujifuzee awe mwene kolee utaua. ⁸ Kwe bobo masoezi ye lokoba yashikofaa kadogo,nane utauwa washikofaa saana kwe mianda hesee,etabokee nane kwe maisha ye nani ne yadia etabakee. ⁹ Ujumbe onaa ne wekuitaboka ne otaketwe kuungwa kabisa. ¹⁰ Kwe bobo ne kwe sababu henatwashikomona makomo ne koketamelemo kwe juudii saana,kwe bobo tole naho ujasiri kole Firinyambi olee mushim,awee ne mokozi we bando basee,bobo hasa kwe babe koetaboka. ¹¹ Oyaochee ne koyafondesha mianda ena. ¹² Mondo hasee ndekozarau buyanaa bwao.Kushila adia,obe mafano kwe basee babe kwitaboka,kole kotenda maendelo,kokondana,uaminifu,nebusafii. ¹³ Mopaka adia ndabakee,kuchikana kwe kosoma,kwe kobachongelela,ne kwe kofondesha. ¹⁴ Ndekopooza karama eleemo monda mwao,obee kwabelebwa koetela unabii,kwe kobekebwa maboko ne banunu. ¹⁵ Ujasiri mianda ena,ichikane kole edia ite kokola kwao koeta kwe bando baseelola bwachii saana lwendoo lwao ne mafundisho. ¹⁶ Salaa kole mianda ena,bobo kwe koketa bodia otajiokowee awo mwenee ne badia babe kukuunguchwa.