¹ Obuhanya oku ye wagomire n'oku cafulwa, cihugo ca . ² Arhakenziri izu, arhayemirwi oku galukirwa, arhayemeraga Nnamahanga, arha yegereraga Nyamuzinda wage. ³ Abarhambuzi babo ekarhi kabo ko bali nka ntale zaluluma; abarhegekwa nabo bayosire nka ba Nnamugunga wa bijingo orhasigiza cisezi. ⁴ Abalebi babo bali banyesi b'okunali; abajinji barha yemera ebintu bicesibwa, banaka vuna irhegeko. Nnamubaho ali w'okuli ekarhali kabo. Arhajira kabolo; nkasi cisezi atwa olubanja omu bulangashane, buzira kubula mwo kantu, ci orhali w'okuli arhayunva nshonyi. ⁵ Omukarhi ka Nnamahanga muli okuli, arhajire amabi, ngasi cishezi anajire obuhane bwage, arhanarhama, ci omuntu orhali w'okuli arhamanyiri okubona nshonyi. ⁶ Nahererekize amashanja, enjira zabo zashabirwe; nashandaza emihanda yabo, ntaye ocigera mwo, emirhundu yabo yasherezibwe, ntaye muntu ocimuba, nta mubako! ⁷ Nakaderha: Erhi okunali wanyoboha, oyerekere oku hanulwa lyo harhaki shabwa aha mwage, amahane goshi nakuhanire garhaka kuhikirire! Ci baharhula, okujishereza ebijiro byabo byoshi. ⁸ Kuziga muninde, kw'adesire Nnamahanga, kuhika lulya lusiku nayisha okugwarha empira, bulya nahebire omuhigo gw'oku shoboza amashanja, oku shoboza amami omu barhula kwo obukunizi bwani, obukali bw'oburhe bwani bwoshi: Bulya oku muliro gw'obukunizi bwani bwo bwagalwa bwani ecihugo coshi cahya ⁹ Bulya aho ho nayishi galulira olubaga oluderho lwabo lucesibwa, bahashe okulihamagala izino lya Nnamahanga, bamukolere oku murhima muguma. ¹⁰ Bulya kurhengerera ecihugo ciri hali n'enyishi z'e Kushi, abampuna amahuno, kwo kuderha, banyere b'abantu bani bali shandabine, balerha enterekero zani. ¹¹ Olwo lusiku orhaci hashe okugayira ebyaha byoshi wajijire emalanga gani, bulya aho nakula abantu bawe boshi bakacidina, barhabe haguma nanawe, nawe orha chirire enzizi omu cirhwa cani cicesibwa. ¹² Nashisiga omu karhi kawe olubaga lwirhonzi na lusungunu, lwayishi bona obwakiro omu izino lya Nnamuhabaho. ¹³ Ntaye omu Israeli wacijire amahushe, erhi kuderha obushumi, omu kanwa kabo murhakaciba lulimi lwaku rhebana; ci balya, bana rhamuke na ntaye waci bajugumye. ¹⁴ Mubande akabuli k'obushagaluke, munyere w'e Sioni! Kandi mubande orhubuli rhw'omwishingwe, Israeli! Oshagaluke ona cibalaze n'omurhima gwawe gwoshi, munyere w'e Yerusalemu! ¹⁵ Nnamahanga akurhengize okukulire bwawe, ahebire hali omu shombanyi wawe; Mwami w'Israeli, Nnamahanga, ali ekarhi kawe; nta buhanya waci yoboha. ¹⁶ Omwolo lusiku babwira Yerusalemu: Orhayobohe Sayuni, amaboko gawe garha zambe! ¹⁷ Nnamubaho, Nyamuzinda wawe, ali ekarhi kawe, nka ntwali eciza; ashi cishingira we; ashi hwekera omu buzigire bwage; agwarha kuli we enjira z'obushagaluke. ¹⁸ Nashoboza abali omu bululu, hali n'amadinye g'obushagaluke, balya barhenganga omu cifuba cawe, narhenza enshonyi zimu bumbire, balya omuchimba gwali enyanya lyabo gwali balibuzize. ¹⁹ Amango gayiruka, aga nahana mwo ngasi balya bakagi mulibuza. Nafumya aba yagalisire muli mwe, nagalula abaluzire. Nabaha obukuze n'irenge omw'igulu lyoshi, nshubi bajira nk'oku byayorhga burhanzi. ²⁰ Omu ago mango, namushokolera; nabashoboza; bulya namujira okuba bukuze n'irenge oku bantu boshi b'omw'igulu, hano nderha abashwekwa binyu omu masu ginyu, kwadesire Nnamubaho.