¹ Obakngeze oku bagwasirwe okugomba oku batwi b'emanja n'abakulu, n'okubakenga, n'okujira ngasi mukolo mwinja. ² N'okurhadera owundi kubi, n'okurhaba bakulwa ci kujira aminja n'okulangulana obutudu oku bantu boshi. . ³ Bulya nirhu, rhwali bahwinja, rhukenganaga, rhwali rhuciberwir, omunyifinjo mbi za ngasi lugero, rhwali rhubezire omumabi, rhwashombwa, rhwanakashombana ⁴ Cikwone obwinja bwa Nnamahanga na Nnahamwirhu, n'obuzigire bwage e mw'abantu erhi bucibonesa, arhuciza. ⁵ Arhucizize, carhali mpu bulya rhwakozire omukuli, ci oku lukogo lwage, enyanya ly'okubatizibwa omu kwushukwa n'okujirwa muhyahya na Mûka Mtakatifu. ⁶ Olya warhu hebagako binji muli Yezu Kristo muciza wirhu, ⁷ lyaba muhamirize oku lukogo lwage, n'okuba n'obulangalire bw'omwimo gw'ishûngwe ly'obuzine by'emyakula. ⁸ Ogumwanzi guli gw'okuli nanonzize nti nawe oyemere eyi myanzi, nti lyo abayemire bayaliza muli Nnamahanga n'okuciyigiriza okukola aminja. ⁹ Alaga ebiri binja na bwakusimisa abantu. Cikwone oyaka amadoso gw'obuhwinja, n'emimo, n'akadali oku marhegeko obiyake bulya biri bya busha. ¹⁰ Okazusa okugabanikana, enyuma z'okumuhanula liguma erhi kabirhi, ona muyake. ¹¹ Omanyire omuntu wa bene oyo alimuhera, na muna-byaha, n'okuyene acikaga. ¹² Hano nkurhumira Artema erhi Tikiko onshimane Nikapoli; bulya eyo yo nabwine na gereza amango g'empondo. ¹³ Han'okola washanira Zèna, mwalimu wa marhegeko, na Polo, omanye barhajira ecibabula. ¹⁴ Abirhu nabo bacihangane omukujira aminja lyo babona ebi kwanine omu malagirire, baleki yorha buzira kuleheka. ¹⁵ Abarhûlirhweshi bakulamusize. Olamuse na balya barhusîma omu bwemere. Olukogo lube haguma na ninyu!