¹ Paulo, mukozi wa Mungu na ntumwa ya Yezu Kristu, okubwemere bw'abalondolwa ba Mungu n'obumanye bw'okuli bulya buli omubucèse, ² Omukarhi ko bulangalire bw'emyaka bulya Mungu arhayîshihashe aderha obunywesi abalaganyize kurhenga emyaka. ³ Owayerekanaga emyanzi oku kasanzi kage omu kagarhi ka bulya buhamirize, ebi balimpire embere ly'ombwirhonzi bwa Mungu muciza wirhu. ⁴ Emwawe Tito mwana wani kulusha. Omukagarhi ko bwemere rhulâme oku cinyabuguma, olukogo n'omurhula gube emwawe, omurhula gw'arhenga emwa Mungu Larha wirhu! ⁵ nakusizire Ecrete lyo akubula ebyasigire n'okuheba abagula omu kagarhi kangasi lugo. ⁶ Nko muntu arhashobesirwi akanwa, naye abe mulume wa mukazi muguma, agwarhe n'abana bikubagirwa abarhashobesirwi oku ndalwe erhi oku kurhakengana. ⁷ Bulya bimuhunyire lungere abe arhali kwishembo, nka mubisi wihwe lya Nnamahanga, arhabe muntu wakucisîmisa obuzine bwage, arhabe waduba oku libirhira oburhe, arhabe mlalwe erhi wantambala, arhabe wa kusima oluhembo lulikw'ishembo. ⁸ Cikwoki abe wakuyegereza, wa kusima aminja, abe wa lugero, w'okuli, ocêsibwe, abe wakugwarha obuguma. ⁹ Ocishwekere oku myanzi minja konokwo yali miyigirize kuhika ohikirira okuhanula enyigirizo zicire n'okulwisa abakulahîra. ¹⁰ Bulya haba banji barhebesi okunyigirizo mbi zabo. ¹¹ Abo bakwanine okuhindamula akanwa n'okuhindamula omulala gwoshi, baka igirizê ebirhashinganini omu kulonza oluhembo lurhashinganini. ¹² Muguma w'omubo mulebi wabo aderha ntya abe Kerete mpu bâba bashumi ngasi mango, ¹³ ziyosire nka nsimba nkali na bagazi. ¹⁴ Obubu buhamirize buli by'okuli cocirhumire obakalihire lyo bagarha obwemere bwicire. ¹⁴ Nalyo barhacishwekêre okundibi za Bayuda n'oku marhegeko gwa bantu gayanzire okuli. ¹⁵ Byoshi bili bicire okubalya bacire, cikwone nta byo bicire okubalya b'izinga barhanayemiri obwenge bwabo n'entanya zabo ziri mbî. ¹⁶ Banakajira emikolo y'okumanya Mungu cikwone ebijiro byabo balibakugaîsa Nnamahanga, bana ntwaza kwabo barhankahasha okujira ebijiro binja.