¹ Agomira g'abazuzi bakazigi tw'emanja, ishali lyaba omucihugo. Arhenga muntu muguma w'ebetelehemu ya Yuda, agenda ajilama omucihugo c'emoabu, he has mukage na bagala babiri. ² N'izino ly'oyo muntu alidesirwe Elimeleki, n'izino lya mukage he wali Nahomi, n'amazino g'abagala Malini na Kilioni, ba efrati y'ebetelehemu ya Yuda. Bahika omucihugo ce Moabu, balama yo. ³ Elimeleki, iba wa Naomi, afà, asigala na bagala babiri. ⁴ Barhola abakazi b'e Moabu, mulibo muguma he wali Orpa na awundi he wali Ruti, banalama eyo hofi myaka ikumi. ⁵ Manshloni na Kiljoni bafa bombi, na Naomi asigala arhacigwerhi abagala bombi n'iba. ⁶ Lero ayimuka bon'abalikazi mpu barhenge omu cihugo c'e Moabu, bulya ayinviza omu cihugo c'e Moabu oku Nnamubaho anayishire olubaga lwage anabahire n'akalyo. ⁷ Arhenga Aho ali lamire alusibwe n'abalikazi bombi, anaheba njira okushubira omu cihugo can Yuda. ⁸ Naomi abwira abalikazi bombi: mugende, mugaluke ngasi muguma ashubire emwabo! Mashi Nnamubaho ajirire ngasi muguma winyu, nkoku mwanajirire ba nakwigendera na nani! ⁹ Mashi Nnamubaho amurhulirize omu buyumpa! anabasengeruka. Babalanjira balaka; ¹⁰ bamubwira: nanga; rhwagenda rhweshi emwa benewinyu. ¹¹ Naomi,aderha: galuki, balibani! Bulyagurhi mwashimba? Nkacigwerhe bagala bani bakaciyishibà ba balo? ¹² Galuki, bali bani, mugende! Nkola ngikwire bwenene. Na nciderhage: nangalireoku obu budufu nabona omulume, na oku nankabusire abalume. ¹³ Kamwakalinzire kulibyo, balume, kamwakalahire kuheruka? nanga, bali bani! bulya ndi amu bululu bunene enyana linyu oku okuboko kwa Nnamubaho kwacilambulire kulinie. ¹⁴ Nabo bayimuka izu, baciri balaka. Orpa asengeruka nazala, ci Ruti acishwekera kuliye. ¹⁵ Naomi abwira Ruti: Lolaga: mulamuwawe anashubire emwabo na amwa emyungu have; galuka nawe nka mulamuwawe. ¹⁶ Ruti ashuza: orhanseze oku nkusige, nshubire kuli na nawe! aha waja ho nani nanaja, ahawalama ho nani nanalama, benewinyu bo benewabo, na Nnamahanga wawe ye Nnamahanga wani. ¹⁷ aha wafire ho nani nafire na mpabishwe. Nnamubaho ampane oku bukali bwage erhi hakabà ebyarhuberula karhali lufu. ¹⁸ Naomi, abona oku asezize oku mukulikira, aleka oku mukuba. ¹⁹ Banalama haguma kuhika bahika e Betelehemu, omurhundu gwoshi gwaba n'omungo enyanya zabo, n'abakazi bakaderha: ka Naomi oyu? ²⁰ Aderha: murhampamagale Naomi; mumpamagale Mara, bulya ogala byoshi anyunjuzize bululu. ²¹ Nali yezize erhi ngeda, na Nnamubaho amangalula maboko mumu. Bulyagurhi mulimwampamagala Naomi, enyuma lya Nnamubaho oku mpana, na oku ogala byoshi angayisize? ²² Ntyo kwo bagalusire kurhenga omu cihugo c'e Moabu Naomi bona omwalikazi, Ruti w'e Moabu. Bahika e Betelehemu oku murhangiro gw'oku sarhula iporoji.