¹ Naomi aligwerhe mwene wabo iba. Ali mulume muzibu na mugale, w'omu mulala gwa Elimeleki, ahamagalagwa Boazi. ² Ruti w'e Moabu abwira Naomi: andeke, nkusengire, nji rholeza emisigala omw'ishwa lyowanyemera. Anamushuza: genda, mwali wani. ³ Agenda ajarholeza omw'ishwa luguma, enyuma ly'waba humbuzi. Byaboneko oku nnama oku er'ishwa lyali lya Boazi, wali mwenewabo Elimeleki. ⁴ Lolaga, Boazi ayisha kurhenga e Betelehemu, abwira abahumbuzi: Nnamubaho and haguma ninyu! Bamushuza: Nnamubaho akugishe. ⁵ Na Boazi abwira amwambali wakagi kolesa abahumbuzi: wandi Oyo mwananyere? ⁶ Omwambali wakagi kolesa abahumbuzi amushuza: ali mukazi musole w'e Moabu, wayishaga na Naomi kurhenga omucihugo c'e Moabu. ⁷ Anadesire: onyemere nkaze na ntoleze emisigala, enyuma ly'abahumbuzi. Na kurhenga sezi anayishaga, ayimanzire kuhika buno, na arhanacirhamuka omukusarhula cirun'ehitya omunyumpa. ⁸ Boazi abwira Ruti: yunvirhiza mwali wani, orhakagendi rholeza omu lind'ishwa; orhaje kuli nahano, obere na bambalikazi bani. ⁹ Osinze ahabali basarhula omw'ishwa, obayishe enyuma. Nahanzize bambali bani oku kuhumakwo. Na hano okuyunva enyorha, okaja oku ndaha, na wananywa oku go abakozi badomire. ¹⁰ Lero ayunamira amalanga okw'idaho, anamubwira: gurhi mbwine lukogo oku masu gawe, lyonshibirira niendi w'ihanga? ¹¹ Boazi amushuza: bambwizire bwoshi wajirire nakazala kurhenga okufa kwa balo, na gurhi wasizire sho na nyoko na ecihugo cawe n'okuyisha omubantu arhayishigi mira. ¹² Mashi Nnamubaho akulembule ebi wajijire, na aluhembo lwawe lurhenge lwoshi emwa Nnamubaho, Nnamahanga w'israeli, wayakire omu byubi byage! ¹³ " Naye aderha: O! mbone lukogo embere zawe, nahamwirhu! bulya wamantuliriza, na wamaderhera oku murhima gwa mwambalikazi wawe. Na ciru ntali, nka muguma omu bambalikazi bawe. ¹⁴ Ensa z'okuyikula, Boazi abwira Ruti: yegera, olye omugati, na odubize ecihimbi cawe omu isupu. Atamala ahaburhambi ly'abahumbuzi. bamuha entongo nkalange, alya ayigurha abika n'ebwasigire. ¹⁵ Anaciri yimuka okurholeza, Boazi arhegeka abambali: arholeze n'omu mburho, na murhamucike. ¹⁶ na ciru muyihimuhengeza amarhulo oku misigala, buzira oku muyobohya. ¹⁷ Anarholeza omw'ishwa kuhika bijingo, anashwa ebi arholezize. Anabona hofi efa nguma y'iporoji. ¹⁸ Analiheka anashubira omu murhundu, na nazala abona oku anarholezize, akula n'erhya misigala y'entanda have amuhà. ¹⁹ Nazala amubwira: ngahi warholegiz'ene, na ngahi wakolire? agishwe owakubire bushiru! Ruti amanyisa nazala emwandi anakozire: omulume nakozire ahakwage ene, ahamagirwe Boazi. ²⁰ Naomi abwira omwalikazi: agishwe na Nnamubaho, ocibonesize wa lukogo oku balamu nkoku analiyosire oku ba nakwigendera! oyomulume ali mubusi wirhu, acirimubwira Naomi, ali omubo bashinganine okurhugombola. ²¹ Ruti w'e Moabu ayushula: anambwizire: obere haguma na bambali bani, kuhika amango bayusa kusarhula. ²² Na Naomi abwira Ruti, mwalikazi: kulikwinja, mwali wani, okagenda mwene bambalikazi bage, barhana kurhimanaga omulindi ishwa. ²³ Anabera ntyo haguma na bambalikazi ba Boazi, akurholeza, kuhika okuyusa okusarhula iporoji na okusarhula engano. Na analama boshi na nazala.