¹ Obuhanya oku murhundu guyunjwire muko, guyunjwire bunywesi, guyunjwire maligo, gurhanabula buhagula!.. ² banayunve okushurha kw'akarhi, n'okuzunguluka kw'amapine, ecidirho c'ebihesi, n'omulumbo gw'endogomi. ³ Abali okubihesi bahasire n'emigushu yalangala... n'abayagalisire mwandu... ne cirhumbi c'emirhumba!...Mirhumba minji!... Bahirimire emirhumba. ⁴ Hali ahanyana ly'obugonyi bw'ecishungu, ayunjwire na bulozi, wakazigi saka amashanja oku bugonyi bwage na embaga oku bulozi bwage. ⁵ Lolaga, nkuyishire, kwo Nnamubaho w'emirhwe adesire, nani nayerekana ebi olimbira, nayerekana obushunzi bwawe oku mashanja, n'enshonyi zawe oku mami. ⁶ Nakukwebakwo izinga, nani nakujira wakuganyagusibwa okusomerine. ⁷ Ngasi abiyikubona bakuyaka, n'okuderha: Ninawi anashabusire! Ngahi nakulongeza 'barhuliriza? ⁸ Kawe mwinja kulusha No Amoni, walidekerire omugarhi k'enyishi, alizungulusirwe n'amishi, aligwerhe enyanya iziba, na nyanja nka cikombo. ⁹ Etiopi na bamisiri banji bakagi muha oburhwali bwage, Putu na Libia bali bambali. ¹⁰ Cikwone angenzire lubungo, anagenda mpira, n'abana bage bavungunyulirwa omungasi muhanda, baband'enkuro oku bahirhi bage, na abakulu bage boshi bajamw'emigozi. ¹¹ Nawe ntyo kwo walaluka, wacifulika, nawe walonzo obwakiro oku mushombanyi. ¹² Ngasi luvumbu lwawe lwaba nka murhi gwaliyanyire, n'erhi baguhugunya gaholokera omukanwa k'oshalisire. ¹³ Lolaga, alubaga lwawe Bali bakazi omu garhi kawe, emihango y'ecihugo cawe eyigukire abashombanyi bawe, omuliro gwayoca amazibiriro gawe. ¹⁴ Odome amishi ahamwawe! olungule obulibirhiro bawe! oje omubadaka, orhobe ebijonda! oyubake ifuru ly'amabirigi. ¹⁵ Aho, omuliro gwakuyoca, engorho eku malirize, ekumalirize nka minunu! ocirhumbike nka minunu! ¹⁶ Abarhunzi bawe, banji nka ntonde z'emalunga, kwabali nka minunu ekola ya balala. ¹⁷ Abarhwali bawe bayosire nka minunu, n'abarhambo base nka birhumbi bwa minunu bigwire oku lugurhu amango g'emboho: erhi izuba libasha ena balale, orhakanacimanya ahayali. ¹⁸ abangere base bahunire, mwawi w'e ashuru, entwali zawe ziri zarhamuka; olubaga lwawe lushandire omu birhwa, na ntaye wabashoboza. ¹⁹ Nta bufumu oku bibande byawe, obuhanya bwawe bulk bwakuniga, ngasi abiyunva bakuderha bagasha, bulya ndi obulyalya bwawe burhahikagakwo?