¹ Kashaba akurhabalire. Olange amazibiriro gawe! Olalirire omulimbwa gwawe! osimike, ohebe emisi yawe yoshi. ² bulya Nnamubaho agalwire irenge lya Yakobo, n'irenge l'israeli; bulya abahaguzi bahagwire n'okuhagula amahaji g'omuzabibu... ³ Ebisonga by'entwali zage bidukwire, abalwi bayambirhe ebidukula, n'endogomi zabo zirizabonekakwo ecuma calangala, olusiku arheganyize entambala, n'amatumu ga lyagasa. ⁴ Endogomi zigenderire omu mpingiro, n'okuharhira oku hantu, okuzibona wanamanya mpu ngulumira, gahasire nka mulazo. ⁵ Balibakengera entwali zabo, ci balibasarhala omu lugenzi lwabo, baharhire ebwacikunguzo, bacirheganyize okucihaliza. ⁶ Emihango y'enyishi eyigusire, n'enyumpa yamanyuka! ⁷ okwanabire: ali bushunzi, adwirhwe, n'abajakazi bali bayama nka nguku, n'okucishurh'ecifuba. ⁸ Ninawi aliyosire mira nka cibikiro ca mishi...ololage okwalibisire!... yimanga!yimanga!... Ci ntakukebegana. ⁹ Muhagule enfaranga! Muhagule amasholo. Hali buhirhi bunene, obugale bw'ebirugu by'ecishingo byangasi lubero. ¹⁰ Bahagwire, bashabire, bashandazize! N'emirhima erhemusire, amadwi galigahukulana, ensiko zilwazire, n'amalanga garhemusire. ¹¹ Ngahi aho habire mwina gwa ntale. Obwobulambo bwa bana ba ntale, aho entale zirhamukira, buzira okubona owazishazà. ¹² Entale ebagire abana bayo, n'okunigira bakage, analiyunjuzize ecihando cage mpira. N'ahamwage birunda. ¹³ Lolaga, nkurhabalire, kwo Nnamubaho w'emirhwe adesire, nagulumiza endogomi zawe, engorho ya baga ebyana simba, nakula omucihugo empira zawe, nizu ly'abarhumisi bawe lirhakaciyunvikana.