¹ Bulya lolaga, olusiku luyishire, lukali nka ngulumira. ngasi bagoma na ntunva bayishiba nka bukere, kwo Nnamubaho w'emirhwe adesire. Barhasigalane muzi erhi nsina. ² Cikwone kulimwe mukenga izino lyani, izuba ly'okuli. Na obufumu bwaba omubyubi byage. Mwayishi huluka n'okuhama nka manina omw'iruli. ³ Na mwayishilabarha abagoma, bulya bayishiyorha nka luvù idaku ly'enshando zinyu; okulusiku nteganyize, kwo Nnamubaho w'emirhwe adesire. ⁴ Mukengere Irhegeko lya Musa, mukozi wani, lirya nayandikaga e Horebu kuli Israeli yeshi, marhegeko na mahano. ⁵ Sinzagya; nayishimurhumira Eliya, mulebi, embere olusiku lwa Nnamubaho luyishe, olwolusiku mukulu na lwa kujugumya. ⁶ Ayishi galula omurhima gw'omubusi okumwana, n'emirhima y'abana oku babusi, lyontaki shurh'ecihugo oku cisha.