¹ Lero Yona ahuna Nnamahanga, Nyamuzinda wage, erhi anali omu nda yeyo nsamaki. ² Aderha erhi: Nalakire Nnamahanga ahanyanya ly'ebizibu byani, naye ana nyunva; Omunda y'ekuzimu nahunyire, nawe wanayunva izu lyani. ³ Bulya wankabulire ekuzimu, omu ndalala ly'omurhima gw'enyanja, amishi ganzunguluka enyunda zoshi; akalaba kawe koshi n'amishi goshi gakagera enyanya lyani. ⁴ Nani naderha: Nkabulirwe hali n'amasu gawe; Cikwone nacibona omu nyumpa yawe ncesibwa. ⁵ Amishi ganzugulusire, ciru omu bugumana bwani, ⁶ Nahonosire ciru n'enyunda z'edako ly'ebirhwa; Eco cihugo n byanshweka ensiku zoshi; Cikwone ososize obugumana bwani kurhenga emwina, Nnamahanga, Nyamuzinda wani. ⁷ Omurhima gwani erhi guhola omu ndalala zani, nakengera Nnamahanga; amahuno gani gaku shambaza, omu kagarhi k'akagombe kawe kacesibwa. ⁸ Abantu bashimbuliriza ebintu by'obuhezi na bya bunywesi baci berula n'olukogo lwabo bone. ⁹ Cikwoki niehe nakurholera entulo okw'izu ly'oku vuga omunkwa. ¹⁰ Nnamahanga aderha olya musamaki, naye ashalira Yona eburhambi bw'enyanja.