¹ Kuli nie, bene wirhu, erhi inje e mwinyu, arhali bukulu bwa ludeho bwa burhimanye bwa rhumaga nnamulerherera abuhamirize bwa Nnamahanga. ² Bulya ntagwarhaga entanya z'oku manga muli mwe kandi kantu orhali Yezu Kristu, Yezu Kristu walibuzibagwa. ³ Nie na nene bali e kagarhi kinyu omu bugonyogonyo, omu bwoba n'omu kujuguma; ⁴ n'enderho zani n'obugo bwani birhali nka binwa by'okuyemeza by'obushinganyanya; ci bwali buhamirizi bwa Muka n'obuhashe bwage, ⁵ ly'obuyemere bwinyu burhayegemera obushinganyanya bw'abantu, ci obuhashe bwa Nyamuzinda yene. ⁶ N'obo abakola bimana bya bugula mbabwiriza, cikwone arhali bula bugula bwa mwer'igulu, arhanali bula bwa abaluzi ben'igulu bayishi-hirigirha. ⁷ Ci obushinganyanya rhuderha, bunali bushinganyanya bwa Nyamuzinda, bumanye bw'ihwe bwa yorha bûba bufulike, bulya Nyamuzinda ali arhubikire bwo kurhenga embere lya amagana g'emyaka, mpu buyishi ba irenge lirhu. ⁸ Obwo bushinganyanya nta muluzi wa mwer'igulu obuyishi, bacibumanyaga- baci bumanyaga, barhakabambire nyakasane w'irenge oku musalaba, ⁹ ci nka kulya biyandisirwe, rhudwirhe rhwa mubwira ebi isu lirhasagi bone, n'ebi okurhwiri kurhasagi yunva, n'ebirha sagi sokera omu murhima gw'omuntu, birya byoshi nyamuzinda arheganyizagya abamuzigira. ¹⁰ Bulya rhwe Nyamuzinda abimanyisize n'Omuka gwage; na Muka ye vulula byoshi, ciru n'amashwe ga Nyamuzinda. ¹¹ Omu bantu kahali oyishi eciba omu muntu okuleka Omuka gwage? Kwon'okwo, ntaye oyishi amahwe ga Nyamuzinda okuleka Omuka gwa Nyamuzinda. ¹² Cirhwono, arhali Muka gw'en'igulu rhwa habirwe, ci Muka gwa Nyamuzinda, lyo rhumanya enshokano Nyamuzinda arhugabire. ¹³ Nanka rhwaziderha, rhurhaziderhwa omw'iderha lya igirizibagwa n'obushinganyanya bw'abantu, ci omw'iderha rhwayigirizibagwa na Muka; ye manyisa eby'o Muka omu iderha ly'omuka. ¹⁴ Omuntu ocikubagira oku bwage yenene, arharhimanyanya ebirhanga e mwa Muka gwa Nyamuzinda, bulya kuli-ye lir'isirhe, arhanka na bimanya, bulya ebyo bimanyikana n'oburhale bwa Muka. ¹⁵ Omuntu ocikubagira Muka yehe, atwa emmanja za ngasi byoshi, ci yeshe arha twirwa na ndi. ¹⁶ Ndi okolaomanyire ebi Nyakasane agererize, akaderhaga mpu amuhanula? Ebi Kristu agererize rhwehe rhubigwerhe.