¹ Yosia yatangiye gutegeka, amaz'imyaka mun'avutse, amar'imyaka mirongwitatu n'umwe i Yerusalemu ari ku ngoma. ² Akor'ibishimwa n'Uwiteka, agendera mu nzira za sekuruza Dawidi, ntiyateshuka ngw azivemo, ac'iburyo cyangw'ibumoso. ³ Ahubg mu mwaka wa munani w'ingoma ye, akiri muto, yatangiye gushak'Imana ya sekuruza Dawidi; kkandi mu mwaka wa cumi n'ibiri atangira gutungany'i Buyuda n'i Yerusalemu, amaramw'ingoro na Ashera n'ibishushanyo bibajwe n'ibiyagijwe. ⁴ Baseny'ibicaniro bya Baali abyirenera, kand'atem'ibishushanyo bibajwe n'ibiyagijwe arabimenagura; abigir'ishingwe; abinyanyagiza ku bituro by'ababitambiraga. ⁵ Kand'atwikir'amagupfka y'abatambyi ku bicaniro byabo, nukw atungany'i Buyuda n'i Yerusalemu. ⁶ Kandi ni ko yagenje mu midugudu ya Manase n'iya Efuraimu n'iya Simeoni, ageza no ku ya Nafutali yabay'amatongo impande zose. ⁷ Aseny'ibicaniro, asekura Ashera n'ibishushanyo biyagijwe, abigir'ishingwe, atem'ibishushanyo by'izuba byose byari mu gihugu cy'Isiraeli cyose, arabigusha; maz'asubir'i Yerusalemu. ⁸ Mu mwaka wa cumi n'umunani w'ingoma ye, ameze gutungany'igihugu n'inzu, yohereza Shafani mwene Asalia, na Maaseya umutware w'umurwa, na Yoa mwene Yoahazi w'umucurabgenbe, ngo bajye gusan'inzu y'Uwiteka Imana ye. ⁹ Nuko basanga Hilikia w'umutambyi mukuru, bamuh'impiya zazanywe mu nzu y'Imana, iz'Abalewi babakumirizi bari basinzoranije mu Bamanase n'Abaefuraimu n'Abisiraeli bari basigaye bose n'Abayuda bose n'Ababenyamini n'abaturage b'i Yerusalemu. ¹⁰ Nabo bazih'abakozi bakoresherezag'inzu y'Uwiteka; maz'abo bakozi, bakoreraga mu nzu y'Uwiteka, bazitangira gukomez'inzu y'Uwiteka, bazitangira gukomez'inzu bayisanisha. ¹¹ Bazih'ababaji n'abubatsi, ngo bagur'amabuy'abajwe n'ibitibyung'inzu n'iby'ibisenge by'amazu, abami b'Abayuda barimbuye. ¹² Abo bakor'uwo murimo bakiranuka; abawutegekaga, bakabakoresha n'aba; Yahati na Obadia b'Abalewi bo muribene Merari na Zekaria na Meshulamu bo muri bene Kohati n'abandi Balewi b'abahanga b'ibintu bivuga bose. ¹³ Kandi bashorerag'abikorezi b'imitwaro, bagakoresha n'abakorag'umurimo bose w'uburyo bgose; kandi mu Balewi harimw abanditsi n'abatware n'abakumirizi. ¹⁴ Nuk'ubgo basohorag'impiya zazanjywe mu nzu y'Uwiteka, Hilukia w'umutambyi yubur'igitabo cy'amategeko y'Uwiteka yazanywe na Mose. ¹⁵ Hilukia abgira hafani w'umwanditsi ati: nubuy'igitabo cy'amategeko mu nzu y'Uwitka Hilukia aherakw agiha Shafani. ¹⁶ Shafani agishyir'umwami, kand'ajya no kubgir'umwami inkuru, ati: iby'abagaragu bawe bategetswe barabikoze byose. ¹⁷ Kandi basohoy'impiya zari ziri mu nzu y'Uwiteka, bazih'abakoresha n'abakozi. ¹⁸ Maze Shafani w'umwanditsi abgir'umwami ati: Hilukia w'umutambyi ampay'igitabo. Shafani aherakw agisomer'umwami. ¹⁹ Umwami yumvis'amagambo y'amategeko, ashishimur'imyambaro ye. ²⁰ Mazumwami ategeka Hilukia na Ahikamu mwene Shafani n'Abudoni mwene Mika na Shafani w'umwanditsi na Asaya w'umugaragu w'umwami ati: ²¹ Nimugende mumbariz'Uwiteka, mubarize n'abasigaye mu bgisiraeli n'i Buyuda iby'amagambo yo mur'iki gitabo cyubuwe, kuk'uburakari bg'Uwiteka bugiye kudusukwaho ari bginshi, kuko basogokuruza bacu batitondey'ijambo ry'Uwiteka ngo bakor'uko byanditswe mur'iki gitabo cyose. ²² Nuko Hilukia n'ab'umwami yar'ategetse, basanga Hulida w'umuhanuzikazi, muka Shalumu mwene Tokihati mwene Hasira umubitsi w'imyambaro; (kand'uwo mugore yaturag'i Yerusalemu mu gice cyaho cya kabiri); maze barabimutekerereza. ²³ Arabasubiz'ati: Uwiteka Imana y'isiraeli ivuze ngo: mugende mubgir'uwabatumyeho muti: ²⁴ Uwiteka aravug'ati: Umva nzatez'ibyago ahahantu n'abaturage baho, mbateze n'imivumo yose yanditswe mu gitabo basomey'umwami w'Abayuda. ²⁵ Kuko banyimuye, bakoserez'izindi man'imibacu, ngo bandakarish'ibyo bakoresh'amaboko yabo byose, ni cyo gitumy'uburakari bganjye bukongerezw'aha hantu, ntibuzimwe. ²⁶ Arik'umwami w'Abayuda wabatumye kumbaza, mumubgire mutya muti: Uwiteka Imana y'Isiraeli iravuga ku magambo wumvise, iti: ²⁷ Kuk'umutima wawe wari woroheje, ukicisha buguf'imbere y'Imana, wumv'amagambo yay'ivuga kur'aha hantu n'abaturag'baho, ukicisha buguf'imbere yanjye ugashishimur'imyambaro yawe, ukandirir'imbere, nanjye ndakunvise; ni k'Uwiteka avuze. ²⁸ Nuko nzagushangisha basogokuruza, ushyirwe mu mva yaw'amahoro, kand'amaso yawe ntazareb'ibyo byose nzatez'aha hantu n'abaturage baho. nuko baragenda babgir'umwami ubutumwa. ²⁹ Bukey'umwami atumir'abakurubose b'i Buyuda n'ab'i Yerusalemu. ³⁰ Hanyum'umwami azamukana n'ab'i buyuda bose n'abaturage b'i Yerusalemu n'abatambyi n'Abalewi n'abantu bose, abakomeye n'aboroheje, bajya ku nzu y'Uwiteka umwami aherakw abasomer'amagambo y'isezerano, cyubuwe mu nzu y'Uwiteka. ³¹ Umwami ahagarar'ahe, asezeranir'imbere y'Uwiteka kw azakurikir'Uwiteka, akitonder'amategeko ye, abyemeran'umutima we wose n'ubugingo bge bgose, yukw azasohoz'amagambo y'isezerano ryanditswe mur'icyo gitabo. ³² Maz'ab'i Yerusalemu n'Ababenyamini bose abemez'iryo sezerano. Nukw abaturag'b'i Yerusalemu basohoz'isezerano ry'Imana, ni yo Mana ya Basekuruza. ³³ Maze Yosia akur'ibizira byose mu bihugu by'Abisiraeli byose, yemez'abari mu gihugu cy'Isiraeli bose gukorer'Uwiteka Imana yabo. Iminsi yos'akiriho nta bgo baretse gukurikir'Uwiteka, Imana ya Basekuruza.