¹ Ibayukishe bahone ku bakulu ba sharia na bakulu ba kibalo, kubahusha, kwa kuyakana hehiku mianda yooso yilegele, ² Kuboha madimi ku muntu, yakana hankachi, mululame, kinyanya ku bantu booso, ³ Batu booso, katwadi na lukani, kashikuhushena, tubasumbulwe, mianda yooso yibihe na bukome, tumukudimbuka na kuhelwa na twahelwa bamu kwa bano. ⁴ Lakini, bukata bwa Fidi dingishi gwetu na kifulo kyobe ku bantu byadimweka, ⁵ Adiku tuyabula, kushi kwa mianda ya sharia yatwadikuta, lakini ku huluma yage, kwa ubatiso ya kutugalusha na kuyukika na chima dya Fidi, ⁷ Tuyukike kwa lutumbu lwage, tuyee kwadi, bahianyi ba bushima bwa milele, ⁸ Gu mwanda nguyamane, na nimukeba yita bibintu, kwakumana boba bamuyita ku Fidi batweba mukuta mianda yilegele. ⁹ Mutale kilegele na faida ku bantu. lakini hela mpakaa yibihe, badimu babihe, biyumbu kuta mpakaa ku sharia; kwa kumana kayina kashi na nja bulele. ¹⁰ Yakana kulehe kiisha mubedi na gwa kabidi kukusakwila, gegya imukeba kuhasakanya, ¹¹ Yuka ge muntu gwa ye hali, na akuta ge sambi, kwa kushishimika age mwine. ¹² Handimukutuma Artemasi ao Tychika, taa bukidi guye imane ku nicopoli; kakumana nkonkwa kwandimukisha yi saa ya mashika. ¹³ Muyakane bilegale kwa lugendo lwa Zenasi nganga gwa sharia na Apollosi kwa kuwa kyoso kakibakose. ¹⁴ Bakwetu byo bayuke kwa ku kwata mwandagulegele kwa kufikila kuyimukuya, kwakumana kayiyakana buyakusa kutusha bikuba. ¹⁵ Booso bandi nabo gami bakuyuhusha yuhusha booso bamukutufula mu chima. lutumbu lwa Fidi lwayakane nabo booso.