¹ Kodi gobe, kumuboyeka bintu bimu kuhushena ku dini djetu. ² sakwila bamunu bayakane kinyanya ukwdi, bamweke hampala munda ya chima, munda ya mapendo, munda ya kulama. ³ Sakwila bakashana banunuha bamweke hamaya yabo na butakatifu, kushi mianda ya madini, ao kutoma malofu; bahane milangilo yilegele, ⁴ Kwakulangisha ba mishika balafule balume babo na baana babo, ⁵ baya kane sawa, batalale, bayuke ya mashibo gobo, balegele, ba mukuyisha ku balume babo kwa kumana mwanda gwa Fidi kagulumbalumba. ⁶ Musakule kubakinga babalumiana bayakane byo mufano, ⁷ Kulangisha go mwine hadi dya mwianda yobe yilegele, na kuhana mafundisho kalolo, gamuhushika, ⁸ Mwanda gulegele, kagukudimbuka, kwa kumana mumobe kakuyuka kubiha kobe, kayakana na gwakuboya sababu ya kubiha kwetu. ⁹ Langisha bantu bakashi baguushe ku bakulu babo, kwa kulafulaisha kwa kila mwanda, kushii kuuhinga na nabo, ¹⁰ kashii kukididila na kuboya, lakini langisha ukwedi gobe, kwakutumbuisha kooso dini dya Fidi dingishi gwetu ¹¹ Lutumbu lwa Fidi, ikuyukika ku bantu, na kumwesha, ¹² gwatufundisha tukatuke ku yibihe na matendo ga lunia, na kushagalale miaka sabau ya lukani, sharia na huluma, ¹³ Kwakubama kitudilo kilegele, na kulangishwa lutumbu lwa Fidi mukata na dingishi Yesu kristu ¹⁴ Adikuhana age mwine kwatudi kwa kutukatusha mu mabaya gooso, na kututa bantu bamu mutala, balegele kwaadi na bingiku mianda yage yilegele ¹⁵ Sakula yi mianda, tuma na kwata, nabukata booso muntu nangimugonka kakuyinga.