¹ Paulo, mutumishi gwa Fidi, na mulondeshi gwa Yesu kristu kwa chima dichakulwe kwa Fidi na lukani lwa ukwedi bimunda ya huluma. ² Byooso ibimutula bushima bwa milele, gwadila gwa tangu samani na Fidi shimuyongela, ³ Na adibangisha mwanda gwage hagwati gwage ku kugusakula, binaye bwa na lukusa lwa Fidi dingishigwetu. ⁴ Tito, nwana gwami mutandwe munda ya chima dimudionka; kalesha na kyanya byayakane kwa mudi bimwadihebwa na Fidi na Yesu kristu dingishi gwetu. ⁵ Nadikuleka ku creta, mutule bilegele bya kuledika, kuyeyena bianadi kumusakwila, tula bakulu munda a kila libasa lukata. ⁶ Hutu kwayakana muntu shimu kusika, mulume na mukashi gimugonka, inabana bayamane bashina mashitaki na bantu ao kubushalati ao kukambushana. ⁷ Kwakumana yimukebeka Askofu ayakane shimudimbukilwa, sawa na umumutula Fidi; kayakana kiloge, ao bwashi, ao ntomi gwa malofu, ao kuyata bakshi bakashi babene, ao madimi; ⁸ Lakini ayakane bu lupitalo, lumutambula bantu balegele, banalukani, sawa, mutakatifu, muntu gwa heshima, ⁹ Imuboya mwanda gulegele, byadikugu fundishwa, kwa kutuma bimukusamba dini na kukatusha bashimuyita. ¹⁰ Ku hankachi ya bamuyita bagwelele banagombo mafundisha ga kuboya bantu kabahusha yi mukusamba nja madimi. ¹¹ Lakini mubuikile kukanwe bamulumbakanya ma jaama gagwelele kwa kubafundisha faida ya bufu ya bijoshiku fundisha. ¹² Gimugonka hankachi yabo, nganga biloto gwabo, adiboya: munamadimi, banyama bana bwashi, ngiri kayinakintu. ¹³ Kukusakula ku sawa, mukukwa tena lukani, bini bayakane na chima dilegele, ¹⁴ na kabahosoka mo kwa yuda na kumaamuri ga bantu bashimukusamba ya ukwedi. ¹⁵ Kyoso ki sawa kuboba ba sawa, lakini kintu kakisawa ibobo badihumbulwa kala na matendo, lukani lwabo na yo mpaango yabo kayinjisu mbulwe. ¹⁶ Bamukuta kashi kakumuyuka Fidi, lakini kabamusamba kanya mianda yabo, kabamubanji, bahuuni, na kabakukosa mwanda gulegele.