¹ Kwa kuwa, banduku, mutuhashile, bini muanda wa mukului wa bakulu wa kumbane na kutukuka bya yidi kwenu. ² Tushoshwe kutukana na bantu babihe na bashi na haki, kwa kumana ka boso bale yita kagaluluka. ³ Mukulu wa baluku ngwa haki, kamukumuyimika banu, na kubashoshwa na gewa mubihe. ⁴ Na batu twabadila mukulu wa bakulu kukidila banu, kwa kumana mwakuta mianda ya twakumulaga banu, na mumukuyita. ⁵ Na mukulu wa bakulu ashindikile mattchima yenu kukidila kifulo kya Fidi na kukidila lusa lwa kristu. ⁶ Twakumuloga banu, banduku, kwa shima dya mukulu wa bakulu Kasongo ka Fidi, kashi kushagalala hamuhonka na kila nduku kimu shumuka mu shinda dibaya na shimulonda mipango ya muletambula kwetu. ⁷ Na banu bene mwayuka mute bini kwa kutuyiga, kwa kumana katu bashumuke kangatchi yenu mumianda yibaya. ⁸ Wala katule kudya kyakudia kwa muntu kwa bulele, ila kwa kashi na kwa suluhu, tulekuta kashi bufuku na munyinya, kwa kumana katu batushanga mushiho kwa muntu gogoso. ⁹ Kakwa kumana katubalagwe, ila tumweshe bau bene yenu bishima bya bamukuyiga. ¹⁰ Kwa kumana, hatule kwenu, tuko kumulaga banu huu mwanda: hutu muntu kamuyita kuta kashi, kadianga kyakudia. ¹¹ Kwa kumana twakusha baboya bangi hangatchi yenu bamushumuka bila lukani bila kuta kashi, na kushagalela bitu bya bulele na bibaya. ¹² Twaku balangisha na kubalonga boba bantu, kukidila mukulu wa bakulu Kasongo ka Fidi, bate kashi na kudya kidibwa kyabo abobene. ¹³ Kwa bibi, banu, banduku kamulekanga kuta bilegele, ¹⁴ Hutu kwa yakana muntu, shimulonda muanda wetu kudidi bishi (barua), mumutule halukanda na kamusambilanga monka nage, bini amane bufu. ¹⁵ Kwa bibi kamu mukwatanga muntu mubaya, ila mumulange mu kinduku. ¹⁶ Kwa bibi mukulu mwine wa bilegele amuhe banu bilegele kila lufuku, kila shinda, mukulu wa bakulu ayakane hamuhonka na bamu boso. ¹⁷ Na kumushika, gami Paulo, kukidila mboko yami ga mwine, kiki ikishinko ki munda ya ma barua gande andika. ¹⁸ Bilegele bya Kasongo ka Fidi bya yakane na banu boso.