¹ Kwa goo gumutala kuuya kwage mugabo kalunga Kasongo kaafiri, na kukumbana hamuhonka nage. Twakumahasha baanu. ² Kamuteentaanga bukiri mufike na kushimisha lukani, wala kamuhanukanga sababu ya lumano bimpaanda au mwanda au baluwa, bya yukike bu byatunka kwaturi, na kusaamba bi lufuku lwa taata kaluhehi. ³ Muntu gogooso kamushimisha baanu kwa shinda dyodyooso. Mpaka kwaye beri kuleka diini, pate lumano lwa ge muntu mubiihe, gee mwaana gwa kushimisha, ⁴ Gegia imuhingana imukukola hagulu ya kula kintu kimukolubwa firi- nyambi, au kekya kina kineemo, mpaka agende age mwine akashagalale ku kibanda kya firi nyambi, na kutota bibi ni firi nyaambi. ⁵ Bini, kamumukumbuka bi narikumusakwiila baanu gugu, hankiari neenu? ⁶ Baanu mwayuka kiini kintu kia kumushikila monka, mpaka gegwa apate lumono saha yage yilegele. ⁷ Shinka shinka mwanda gugu gwa kushimina dyaacha kuta murimo gwage, nji tooshe akatushwe imukudishikila na bibino. ⁸ Na haha gigi mushimine imumana lumono, na aage Kasongo kaa firi imukumuyahaga kwa muhehe gwa kukanwe kwage, na kumu shishimika kwa kumuka kwa kufika kwaage. ⁹ Na gee muntu mubiihe imukuya na muhokoso gwa suumbu na kuta kula namune ya bisoha, na bintu bimumweka na makita ga marimi. ¹⁰ Na kuuya na kula namuna ya biyongwa bibihe. bebia bimukubabula boola bashimine, kwa sababu bahela kutambula na kufula gulegele gumukubashoosha. ¹¹ Kwaa sababu yeeya firi- nyaambi akubatwarila muhokosogwa kuyongelwa yimukubahumbula bayite bya marimi. ¹² kusadi bashihikwe booso bashimuyita mwaanda gwa firi, lakini bariyita kuta bibihe. ¹³ Lakini baatu tumutumbule firi- nyaambi kula lufuku kwa sababu yeenu, baanu baguri bafulweena tata. kwa sababu firinyaambi aarikumusobola tangu mwaneho, mushookwe na shina dia firi na kuhebwa nage kineemo, na kuyita bya shinka. ¹⁴ Aage firi nyaambi akumukola baanu muhebwe guugu kwa shiinda dia enjili yeetu, muhebwe kineemo kya mugabo kaluunga Kasongo kaa firi. ¹⁵ Baashi baani baguri, muyamane mwiima, mukwate, mutambule gamulefundishwa au kwa mianda ao kwa hahuwa dietu. ¹⁶ Nage mutonga gweetu Kasongo ka firi mwiine, naa firi nyaambi sheetu, arikufula baatu na kutwaabila kinemo kyaage kuutuula kwa mafuku gooso na kubadila kulegele. ¹⁷ Amute chima dienu kigaashi na kumu laanga kula lufuku kuta bilegele na kusaamba mianda yilegele...