¹ SIbho banemai; banu bhe na polo mena; banu bhe banagamisa lekumu na kone wandani nganga ye ate bhe banama polo kasopia bhukio hikano. Kasopia pemia hikanu. Si imoti na ka kumu Yezu. ² Edia pe Sitiki nanokongi, negami na kanu, okaniani si abha kasopia Kumu. ³ Pe yewe minikama kasopia matekani, nanokongi bhe ogamise habhu bakobanande sikimoti na yeme akula gbaisa kikiakio tanza, Kelemato sibo, mpe banemaye bikina bekpe bikame ba matekani, mpe lina labhu aka bhuku mwa pemia. ⁴ Wikani na legiagia biti bekpe kasopia kumu: Nabulisi gwa wikani na legiagia. ⁵ Wanisani lembuka lokia na ka bhao bakpe. Kumu akabili adaku. ⁶ Kababise bele lembuka lanu naka giagu timoti, sika kasopia mabelu bekpe, kongani ka Abba kasopia egama mabelu me bana na sikiya, nalembuka la melesi. ⁷ Mabelu mobwa mika Abba, me aga mabelu bekpe me baho bekpe bate hiba; apemisa lembuka lanu pe kegbangba tanu ka sopia Yezu kilisitu. ⁸ Akula gbutisaga, banemai, bisani makianu na ka mabelu mandete ate anoto: Aga bekpe, mabelu me amandete, pe tena sobe, manza, pe atena lekumu. ⁹ Giani mabelu me banokande kame, me banenande nagia. Pe Abba mo atepagi boboto ika na basu sikamoko. ¹⁰ Navande legiagia polo kasopia kumu, akola banavako gwa pesia wanisa sikanu kula mabelu mame. Kana banabengia bhe banasini makiame, kasi kabanavako pesia wanisa lebani liya. ¹¹ Pe kanabengi bhe akula na kasopia konga. Naye baneni nagamba ye na menani. ¹² Nahibani na ika na lunga pe nika na mai mobwa. Naibani ika na legiagia kasopia mabelu bekpe pe kapala bekpe soko kanike na mai mobwa maya na nanzala soko na na mai mobwa agato na namai me kate. ¹³ Nate gia mabelu mo bhekpe kasopia Yezu kilisito mo anepa himbi. ¹⁴ Sika banagi benza kula gamisame kasopia lunga. ¹⁵ Baso ba Filipoyi, hibani benza bekpe deliye natokande mena ka kakedoniya, deli yo bapongande sakola mboli yanza, sibo nio banikande lingomba lika Abba le anegamisande sibo nio banegomagande yeme kasopia mabelu manza mikame, pe kasopia konga hikame. ¹⁶ Deli ye neki mena ka Tesalonike, deli na deli banetekelagande egamisa deli ye nikande na sikiya. ¹⁷ Kaleu bhe nakese va lifuta, kasi naba bhe lengama adakie na kugulia lengama laka kumu. ¹⁸ Navini miki bekpe me batekande na kame, awa aga metele, dheli ye Epafotito adakunde na makabo na kame, na na mai ata makabo muka nu abeni sika nyama mo bamosumbi, na solo yanza, makabo mo Abba abuki pe mo amobongoliagi. ¹⁹ Abba mukame atumisia bosenga mukanu, sika langama lanza ikagi kasopia Yezu Kilisitu. ²⁰ Ate kembe ike ka abasu kula ba biti bhekpe abena sibo. ²¹ Opani bhao bhekpe bhe bika ka Abba muguaga kasopia Yezu Kilisitu. Banikama bhe bana na yeme banotekeli mugwaga hikabu. ²² Bhao bekpe be bika ka Abba bhe ba kone, kasi aga bhekpe bhe kasopia ndabo hika Abba. ²³ Lembuka lokia lika kumu Yezu Kilisito ike na banu bekpe.