¹ Nande, bhanikama,wikani na legiagia akula kumu.Kana bho dhingilianu gwa me namo dhingiliande kama mbola,mpe asengi bhana yibeawu bhenza. ² Wemondagani ka bha manva,we mondagani na bhaho bha matekani bhalibhoto,wemondagani na bhaho bhe bhe gbeti nzolobhu na kelege. ³ Bhaho bhe gbetiagi ando bhasu,bhasu bhe tamogiagiamisa Abba sikakegbangbatake Abba,takesagi ewukusaga ikasu naka Yezu kristo pe katabisagi lembuka naka me nzolo abha. ⁴ Ata yeme nabisi lumbuka nakame nzolo aba namomagiake. ⁵ Yeme bhane bhokoti aga kibhuku timoti na egi isalo bhaneko na molo mo nade ka Israel,kasopia Benjamin,yeme na mo Ebrei,mena ba Ebrei, nikande na bhukia mobheko mwabhu sika mo Farizeo; ⁶ Na ekaisaga,nikande molo mo walibhito mo ikande anyokola Eklezia name mabhulu sobhe wuniyo bhavagiu na bhinikia mobheko mo atende bhe bha nane songolie kugulia giagu timoti. ⁷ Kasi mabhelu bhekpe me nikande nanu,akula kristu neni sika mabulu mo toto. ⁸ Mpe nini kame ka miso mabhulu bhekpe mototo,sigyagu timoti te aga bhenza,wuniyo yibisa Yezu kristu sika kumu mukame,akula ke nabhiniki na mbangise bhekpe,mpe ananda mabhelu me bhekpe sika ligbodolo,kandenge mo namove kristo nakame. ⁹ Mpe negomaga naye.Nasa kesa mabulu mikame,meade ka kekiakio te bhamameli kasi ana kesa mabulu me sobhe me adhe akola binikia kristo me Abba anyamisagi akola bhinikia. ¹⁰ Kandenge mo na moyibise kristu,pe yiba yimbia etombaga ka kikwa,pe egomaga naye kakadimba lunga ye enande,nakwa sika ye akwande . ¹¹ Kandenge mo soko ateto,yeme kame nipa kalebhela la kikwa. ¹² Abheni sibho,kana nambekisaga mabhelu bhekpe,kana nade ka pene molo wanza kasi anakesa nalembuka bhekpe nenahu,sika Yezu kristu anevi na kake. ¹³ Bhanikama nayibi bhekpe bhe kana neni kapene anakesa ka pene giagu timoti :Nabhosane me agani,nabise lembuka lame bhekpe pe name adaku. ¹⁴ Anakunduka kina na gbutiaga,angande bhe opa bhaho bhe bamobinikeli kristu. ¹⁵ Bhasu bhekpe bhe tapingini kabhinikia,asengi tamakie bho soko bhanu namabhelu makianu akugulia Abba molo mo anobhulisia nakanu. ¹⁶ Kasi,namakia ye tade va tadeni sikapesi ya. ¹⁷ Banu bhekpe bhesiagani mabhelu manza mikame,bhana ndaga mabhelu mikame,bhanandaga mabhelu manza me bhaho bagiagi sika tanawu sikande. Nande bhaho abhasongia sika bhaho bhe bhamiani bhe kuruse muka Yezu,nanoyongia ninde dheli na dheli,sikande ananoyengia gwa namisolo kamiso. ¹⁹ Gbutiaga bhu asikikwa;Abba mukabhu si sopiabhu,bhewukisagi na mabhelu me ate opesoni, bhamakiagi mabhelu me kone kase. ²⁰ Mugi mukasu ako kigolo,wane bhondiaga kumu mukasu mobikisi mukasu. ²¹ Ye molo mo adaku pasika nzolasu ya lunga ade sika yake yeya yimbi,agya bho na yimbiake ye kigolo,ye kumu mwa mabhelu mugbutisiaga.