¹ L'okongo wa lushi la sabato, Nariya w'ose Magadala, Mariya nyango Jakoba la Salome waka sombe diango diopumu diatote l'odo waki Jiso. ² Ko pindju ka lushi la ntondo la lumingu, etena kaka tombe wonya, vo wakatshu tsha lo diombo. ³ Vo waka tambonaka lamasawo vate, onto akona ayotongitole dive omalo soko dia diombo. ⁴ Koko lamakawende la ntondo, vo wakenyi dia dive diakangitwe kaanga mbakidio woke efula. ⁵ Lam'akawoto lo dombo, vo wakenyi olongo apami omotshi odjashi lo lonya l'omi olotshi okuta wa wema ko vo wakambe efula. ⁶ Olongo apami ako aka wate ate : "Tanyambake". Nyeko lo nyanga Jiso y'ose Nazareta lakawa hane lo kuruse. nde akolwe ndo nde bu lane, nyende diho diaka wa wokitshe dio ne. ⁷ Nyotshu, nyotote ambeki ande ndo Petero nyate : Nde ambeta la ntondo kanyu otsha la Ngalileya. Leko kayonyo towena, oko woho wakanda nyote." ⁸ Okone lam'akawatombe, vo waka lawo omalo diombo, waya sake lokomba ndo wele l'ongenongeno w'efula. Vo kombute ndooko onto dikambo so, nedia vo wakokaka woma. ⁹ Jiso akolo la pendju ka lushi la ntondo la lobengu akayawenya ntondo le Mariya ose Magadala one laka nda tshanya edenge esambele omalende. ¹⁰ Nde akatshu ko akembe lokoumu l'ololo le wane waki lande, wane waka lelaka efula. ¹¹ Vo wakoke dia nde akolo ndo akenama lende, koko vo kombetawo dikambo so. ¹² Omalaso, nde akenama lo yoho kina le akina ahende l'ateyi awo waki lo mboka dia votsho lo ngelo kemotshi. ¹³ Vo wakatshu ndo wakatote ambeki akina, koko vo kombawetawo. ¹⁴ L'ekomelo, nde akenama le diku l'otoyi wane waki lomesa, ko nde akahangwe l'ote w'etema wolo awo, nedia vo kombetawo wane waka wenyi lokongo wa nde mbolo mateyi w'edo. ¹⁵ Nde aka wate ate: "Nyotshu l'Andja w'otondo, ndo nyo sambisha lokumu l'ololo le ditongami tshe. ¹⁶ Wane wayetawo ndo wayo batizama woyoshimbame, ndo wane wahe tawo wayolanyema. ¹⁷ Tolembetelo tone tayenama le wane wele la mbetawo: Omalo lokombo lami vowayotshanya edenge. Vo wayoteketa l'eteketa w'angendangenda. ¹⁸ Vo wayokime oloyi l'anya, vo wayono lolengo, kele lo halotowasale ndooko dikambo. Vo wayahe akanga wa hemo anya, ko vo wayoka dimena. ¹⁹ Lokongo wa nde teketa lawo, Nde akosama otsha l'olongo, ndo akatemala lo lonya l'omi laki Nzambi. ²⁰ Ko vo wakatshu tosambisha ahole tshe. Nkumadiondjo aka kambaka kame lawo, ndo aka keketshaka eteketa awo omalo ahindo wakawa salaka.