¹ Mbala kako otoyi la yosose, ewandji w'elombedi ndo dikumanyi l'afundji kama l'ase tuminadi taladiko tase Juda wakote Jiso sheke wakokeleka ko wakotole le Pilato. ² Pilato aka wombola ate, ''We kele Nkumenga k'ase Juda?'' Nde akawokadimola ate, ''We me oso adita''. ³ Nko ewandji w'elombedi waka songwe Jiso akambo efula. ⁴ Pilato akawombola nto ate, ''We hakadimola ndoko doyi? Oholonga efula k'ambo kakosongwewo.'' ⁵ Koko Jiso kombokadimola ndo doyi, ko nde akambe. ⁶ Lo fete la fete, Pilato aki la mbekelo ka mbatshumgole ose lokanu omotshi lakawalombaka. ⁷ L'etena keso, onto omotshi lakaweleka Barabase aki lo lokanu nde l'asekande w'atomboki wele omal'otombokwelo awo, vo waka diake onto. ⁸ Okone, oloyi w'anto wakaye ko waka tate nomb Pilato dia nde mbasale oko wakandasaleka. ⁹ Pilato akawambola ante : ''Onde nyu nangaka dimi nyo tshungole Nkumenga k'ase Juda?'' ¹⁰ Nedia nde akyeka dia ewandji w'elombedi wakakimo Jiso l'ote wa kandjema. ¹¹ Koko ewandji w'elombedi waka tshutshuya oloyi w'anto dia vo nomba diande mbatshungole paka Barabase. ¹² Ko Pilato akambola nto ate : "ko ayomosala la one lelenyu one Nkumekanga k'ase Juda?" ¹³ Koko vo waka ntetemala pangohangola doyi dia wolo vate : "Hane nde lo kuruse". ¹⁴ Ko Pilato akawambola ate : "Kolo kakona kosadinde?" Koko vo waka tetemala pangohango la doyi dia wolo vate " Hane nde lo kuruse." ¹⁵ Dia ngenyangenya anto, Pilato akatshungole Brarabase, ndo l'okongo wa nde komamisha Jiso, nde aka wokimo dia nde tohanema lo kuruse. ¹⁶ Okone, asolayi wakatshu lande lo seke, mbutate laka nguvernere, ko vo wakele olyi tshe w'asolayi dia vo nsangana. ¹⁷ Ko vo wakolotsha dihondo d'ebelabela ndo wakasale lofule l'atende ko wakolotshalo. ¹⁸ Ko vo waka tate mbosha moyo vate : "He moyo, Nkumekaga k'ase Juda." ¹⁹ Ndo nto, vo wakokomola etenyi k'osongo l'ote, waka wote soyi, ndo wakokusame. ²⁰ L'ekomelo, l'okongo wa vo mbosoka, vo wakookolola dihondo d'ebelabela ndo wakolotsha ahondo ande waladiko. Ko wakatshu lande dia tokokola seti lo kuruse. ²¹ Ndo nto, vo wakoshi la wolo pami kemotshi kelewo Simona, ose Kurene she Aleksandere nde la Rufuse lakayetaka oma l'ekambo dia nde mbokimanyiya la mbemba kuruse. ²² Ko asoda wakatshu lande lo dihole dielewo "golgota" (kitshimudi ate "dihole dia lowako"). ²³ Leko, vo waka wosha wanu wakawasanganya l'edjoyadjoya kelewo mire, koko nde kono. ²⁴ Ko vo wakokola seti lo kuruse ndo wakoke owale dia kahana ahondo ande waladiko. ²⁵ Lowonya wa sato mbakawohane lo kuruse. ²⁶ Ko waka hane ladiko diande efundelo wa kene kakawofunde one : "Nkumekanga k'ase Juda''. ²⁷ Ndo nto, vo waka hane apotwanyi ahende lo kuruse kame lande, omotshi lo lonya lande l'omi, okina lo lonya lande la lomoso. ²⁸ Okone kaka kotshama afundelo one waka wadie kama l'anto wa kolo. ²⁹ Ko ambetshetshi waka teketaka kolo dikambo diande, wa nyinginya ete ndo wata vate : " We lakalangaka mbitola tempelo ko kika loshi shato, ³⁰ oyashimbeka weme lo polo malo kuruse.'' ³¹ Woho ako wame mbele ewandji w'elombedi l'Afundji wakosokaka wata vate: "nde aka shimbeka anto akina, ko nde hakoke ndjashimbe ndame. ³² Kristo Nkumekanga k'Isariyele aholoke wonyone omalo kuruse, kele tenyi ndo teteawo. Ndo wane waka hanema suke lande lo kuruse wakotengaka. ³³ Lama waka kokwe wonya wa samalo, wodjima wakayala polo wonya wa divwa. ³⁴ Ndo lamaka koke wonya wa divwa, Jiso aka te la dioyi dia wolo ate : "Eli, Eli, lama sabakatani?" kitshimudi ate : "Nzambi kami le, Nambi kami le, lande kamboyoseka?" ³⁵ Lamakoke anto amotshi wakemala suke la laawo doyi so, vo waka te vate: "ohonyolonga, nde eko lo mbele Elidja." ³⁶ Koko onto omotshi akalawo, akoshi dimbo, aka tambiya lo wanu w'okayi, aka dihake lo lososo ndo aka wosha dia nde nno, ata ate : "Nyotshike me. Nyotshike tende kana Elidja ayoya ndjohooloya." ³⁷ Ko Jiso akade kioko la doyi dia wolo ko akavu. ³⁸ Dihondo d'okombo diaki lo tempelo k'ekile diakate l'ahende omala diko polo ndo l'ese. ³⁹ Lamakenyi owandji w'asolayi waakemala lawo akambo waka tombe lamaka kitshiya Jiso lumu, nde akate ate : "One mete aki ona Nzambi". ⁴⁰ Ndo wamato amotshi wakendaka omalo tshalola, l'ateyi awo mbaki ndo Mariya wose Magadala, Mariya nyango Jakoba ya dikenda la Salome. ⁴¹ Vombakatawotshindeka ndo mbakatawokimanyiya lamakinde la Ngalileya, ndo wamato akina efula wakaye kame lande omala Jerusalema. ⁴² L'amele laso ko wonya aya otsha lo dikolo, ndo lushi lakawasalaka olongoswelo, lushi otoyi la ntondo ka lushi la sabato, ⁴³ Yosefu y'ose Aramatiya laki ose tominadi taladiko t'ase Juda akaye. Nde lawo aka kongaka Diolelo dia Nzambi. Nde akatshu le Pilato la dihonga tshe ko akawolombe odo wa Jiso. ⁴⁴ Koko Pilato akayambolaka dia kana nde amboshila mvo, ko Pilato akele ewandji w'asolayi ko akawambola dia kana Jiso amboshila mvo. ⁴⁵ Lamakate owandji w'asolayi Pilato dia Jiso amboshila vo, ndeakasha Yosefu odo. ⁴⁶ Ko Yosefu akasombe ahondo wa linne la dimena, aka holoya odo wa Jiso, aka wombe l'ahondo wa linene la dimena ko aka towodja lo diombo diakatshimama lo wooko wa dive; ko nde akangitola dive polo la soko dia diombo. ⁴⁷ Koko Mariya w'ose Magadala ndo Mariya wa nyango Jose waka ntetemalaka menda dihole diakowokitaha.