¹ Laa golifolege gelembe gidjo bosambale,mombende goliolo gehoi ge moo gesenge ge gee. ² la yeenende baanjdelu bosambale beemalende go felo IONGIAONGIA,laa batimba bosambale mofelamele nde boo. ³ Laa andjelu bwasina oho aya,la koemala go felo gehumbelo ge nama,la embande la gehumbelo baina ba lienge,gehumbelo ogelame la wolo;oyogo afaama baina ba lienge baiye,foa yembooahumbeelo,la ba somboli ba bayengebene batubu.gotie gehumambelo ge nema ogeondjame la wolo ogembe go felo ye kiti ye bokondi. ⁴ Bogi beboina ba lienge baa liolo,gesegemoa la basomboli ba bayengebene,goete yongo yi Mwandje go feloye IONGIAONGIA. ⁵ Laa mwandje oho aosa gehumambelo ge baina ba lienge oyalishamo ya yimbe yigehumbelo ge nama la koebasola lo goni nel.la baogi beoana la losel lo kaki labageigei,la logulumo lo nele lomoa. ⁶ La baandje be sambale obambaa la batimba besombale boobaangala bagu bagu mboo bumeebo. ⁷ Oga felo ahuma litimba.la babanga ba mbula laa yimbe oyisangane la baila,iyatomase goni nele;la ndambo ye emowa ye nele momo mwafia,la ndambo emowa ye isasoyetokoko yoyo yiafia,la bingi bitubu bia fia. ⁸ La bwandjelu bobaele auma litimba.la gema gemoo ogengale giangala ngolo ndene ayeunganyama la yimba atamase goete baye balene;la ndambo ye isaso ye baye balene ba kikoga baila. ⁹ La ndambo ye isaso ye bitubu a bionjamelo a bimbe goete baye balene la abimbe muuha ko bingba,la ndambo yeisaso yi bibeiba segisama. ¹⁰ Andjelu abobasaso auma litimba.la ilonge imoa yiteu agaela yime yauma se ototoga go liolo;la momo mwauma gotie bakaka baye. ¹¹ Lina li ilonge liaho apisiti;la ndambo ye isasoye baye mwakikongaapisiti,la baito baiye bobaangaba la baye foo yembo baye bekikogende libe. ¹² Bwandjelu abobanei auma litimba.la ndambo yeisaso ye loha momo mwa tobama,la ndambo ye isaso ye songe,la ndambo ye isaso yi biobitubu bingale moliima,laambo bwina boliimanyee ndambo yeisaso yoenegase bwande,la lotingo gelenge gemoa. ¹³ Yembaa nde moletala yaoa ndjou emoa oyembe mohumboga goete lola la oselenga la liogi lifia;ngandi,ngandi,ngandin yi baito ba nele poye baogi baasina lilitimba li baandjelu basaso abango uma.