¹ Gombise ho, djene nde bandjelu banei bemale tunga djinei dji huma bebunde mepepe menei me huma, Pombo mopepe moto weta go liolo li huma, Motoweta ambale goliolo li lodje lolene, Atia ambwale go liolo li ikoko imoa. ² Ndjene nde andjelu bwasina agadjele gwanenela bwina, Egembe a gembegiyo dji Iongia-ongia ongengae a bomoyi, Ehamogelende a liogi lihia a bandjelu balio baneyi obudje mosala motonga obe mohuma la golodje lolene, la obende. ³ Ngoelela huma obe, Ngo oelela lodje lolene obe ngo oelela tokoko obe teee aho angotesu ifembegiyo mobasho babasaeli ba Iongia-ongia. ⁴ Djoende botuya bo baito obatame tolembegiyo koto bokama la betuku benei la benei, Goete basego batubu ba bana ba Isalaele. ⁵ Goliolo li Yuda, Koto liu la djele betame ilembeyo; Lisego li Lubene, Koto liu la djele, Lisego Kada, Koto liu la djele. ⁶ Lisego li Asele; Koto liu la djele, Lisego li Nafatali, koto liu la djele, Lisego li Manase, Koto liu la djele. ⁷ Lisego li Simeona, Koto liu la djele; Lisego li Lewi; Koto liu la djele, Lisego li Isaakala, Koto liu la djele; ⁸ Lisego li Zabuluna, Koto liu la djele lisego li Yosefu, Liu la koto liu la djele, Lisego li Bezamina, Koto liu la djele betema tolembegiyo. ⁹ Gombimo djembe nde moleta la ena, Mombende la bwiye bo baito abati koke baito otanga, La bikolo bitubu, La lisego batubu, Ba baito bilenge bitubu la babaogi batubu. Be emale nde gopelo kiti dje bokondji la gofelo bona ga kandolo, Betatende bekoto meelu, La baanga (bato) bo baago bago. ¹⁰ La bembende ohamoga la liogi lifia, Go beambo: Uha bongae go Iongia-ongia bwaiso agangae goti ekiti dje bokondji, La gongae bona ga kandolo. ¹¹ La bandjelu batubu bembende go ngonga dje kiti dje bokondji, La tonino, La baito banei abangae la bokondji; Befoe masho ma bose go pelo dje bokondji; la bengae omengia Iongia-ongia, ¹² Indi bebea angaemo galo linangia, kembo, Bweli oesha matondi mbisa, Loguma, La umbia, La ofia ingae la Iongia-ongia la longo la longo! Mongae galo! ¹³ La omoa goete tonino eosa liogi la ebende laa emi: Ababate ndobe ipee, Beonde bandi, La gominda djele bo? ¹⁴ Djabea lande: Ngene djai, Age bolube la abea lai: mongale badja goete monyoko bolene; Besogole nde ndobe djabo la baigesa djo peee goeta dje liila li bona ga kandolo. ¹⁵ Momo angalebo gopelo dje kiti dje bokondi dje Iongia-ongia la bende saelage loha la lotigo goeta dje tepelo djaande. Agangale gotie kiti dje bokondji epwa nde likumbo liande gotie djabo. ¹⁶ Bapoe aleisige, Bafoe ale kamo la loha lofatobe alebo, Atiata gesogo gemoa. ¹⁷ Pombo bona ga kandolo agangae goeta dje kiti dje bokondji elesa ndebo la eande la bo go likaka li baadje ba bomoyi, La Iongo-ongia opiipola nde bitubu mo baito babo.