²⁷ Mpo yande bobokomamelo gooteyande: letaa,yaatema Boekesi bwai gopeloyao, mpo yembo alongangee ndole yago gopelo yayo. ²⁸ Dje nde beya enu, obenene goeta ogali,motshi a omoa engae molene ambo yoani.momo,ogangae moke goeta iula dji Iongia ongia gende engae molene oeta. ²⁹ La baito batshubu obowe gee, La befutisi be pako beimiyende Mungu gwauyeboo libatisa li Yoaeni. ³⁰ La Bafalisai laa beendeelee mboka bebeko, Batshilembe obatima ande mpo yembo batshilembe bebeko be Mungu. ³¹ Bandi bayogeelaneesei la baito bageegee, La begeelanande anji. ³² Beegeelanee abana obangaese gesee ge baale, La beselenganande moete yaboo, gombea mbo tuumele ndea ibelenge la botshibine; La totshwee leendea beegeelee la botshilele. ³³ La galoo Yoane Bobatisa aaya atshile ikuma ata isoongu, Gombisa bwabeimbo engae la boenda bobe. ³⁴ Bona gaboto oho aaya, Laa, moa gombisa boabei engai bolibobia laa bomwi bo bangana, mboogoo ye bafutisi ba pako, La baito obambia a gelenge gebe. ³⁵ Injembo bweli boloo bwenegela goete bee bona. ³⁶ Mofalisai boomooa aabea a Yesu gombo balee ande gesee gemoa. Yesu oohoo aagota goombeelee ye mofalisai ko beaga gotshe mesa. ³⁷ Letaa ogali omooa ga basumu euyanende goete boobai, Gwaowege mbo embende gotshe mesa gombeelee ye mofalisayo, Geohoo aatola peli ye baina ba lieengee. ³⁸ Gombisa ye baolo ba Yesu, Goehoo aalela, Koepopesa baye ba bipoo biyande mobaolo ba Yesu, La ko epoola soge yande mobaolo ba Yesu, Ko eumbuliagee la lieengee lioo liatiala mobaolo. ³⁹ Mofalisai obooteegee liogi, Aenagaloo geaho aabeya geange; Mwambaa gombo boto oonoo engae boombo bo Mungu, Anji elubandembo genigenge ge ogali oonoo aya goomatei, Elubandemboo oono ende boto ga basumu. ⁴⁰ Yesu auya baogi geoho aabegisiagee: Simona, Yengae agea gemoa geobegisiae. Bwekesi, Selengaa aabegisiage. ⁴¹ Bobegisi boomooa a embende abaito baele ba bolima, oomooa embende a hongo ye baonga kamatano, La oono mi nongo ye baonga betutano. ⁴² Glo ambeagee atsha gea geofuta, ko ebinolia boo ya baele belima biaboo. Inji ndayolemba anganju? ⁴³ Simona aabinolia: Yee geeleegia mbo agafee gee biye. Yesu aabeande bosambise nde looloo. ⁴⁴ Gombisa aaleta gwa ngae bogali ko ebea la Simona: Boendena oono ogali? Yego tende gombeelee yaago, Botshi fie baye gombo yifulee baolo; injembo gee ipopiseende bipoo biande bi baiso ko epipolei la soge yande. ⁴⁵ Btshumbuyei, Injembo gee logootelei anee atshitshoke goumbuliei baolo. ⁴⁶ Botshibeele baina go botshwe bwai; Inje gee ebeelee nde baina ba liengee mobaolo bami. ⁴⁷ Moomo abegisia yebigisiae, Gage Basumu bande baiye baamesegelama: Mpo yembo eelembeende anganju. Injembo ogamesegelamaloo ekoke golemba bokee. ⁴⁸ La geoho aabea a ogali: Basumu bago baemesegelana. ⁴⁹ Obambe ande gotshee mesa ko bengaa moselengana bobangenee: Indi oono angae momesegela basumu? ⁵⁰ La Yesu aabea a ogali: Uimilia bwago bwauhusiae, Tea la gehoi.