¹ Moaiga losigo lo sabata obataboo oiga bopelo, Yesu ohoo aalea gelanga ge basangu. Baetani bandee ko betootoola kasi yi basangu ko bela, Mo baagoo baboo. ² Bafalisai bamoa ko bebea laaboo: Giii getogngenu galoo injembo motshikoke otonga galoo losigo lo sabata? ³ Yesu oho aabea aboo: Botshibali mwatonge Dawiti, Gee geembe gee aisige, Gee la obambe ande; ⁴ Ogaloo agoote gee go mbeelee ye Mungu, Aoosa ikuma imbeho, geoho aala, geoho aapaa mbwale obambe ande, Laa giatshiambo mokoke la Bekumi gola? ⁵ La gee aabea aboo, Bona gaboto engae Boekesi bo sabata. ⁶ Moomo, moiga bwina bwasina bo sabata; Ko Yesu egota goete Sinagoge, La geohoo aalahisa. Geohoo aaitsha golome omoa embende a yoogo yi bolome yoo beebeela. ⁷ Basikilibe la Bafalisai bembende moleta Yesu, Mpo yoleta imbaimbo Yesu euhesande baito losigo lo sabata: Moombee nde mbo baudja gesee ge otubagee. ⁸ Injembo elubende beegeeleegia beyoboo; La ko ebea la boto ogambe ayoogoo yogasa: Eemalaa moete baito. Geoho aemala, Ko etshiala lo liolo. ⁹ Yesu ko ebealaboo, Yeende tshunjenu imbai mokoke, Bwina bo sabata gotonga ooloo to gotonga obe, Gouhesa boto togolowa gee. ¹⁰ La galoo ko eleta bobatubu, ko ebea la golome letshaa yoogoo yago. Ko etonga galoo ko yoogoo yande yeuha. ¹¹ Boboo baayala a ligege, La bobo baatshunjana moete yabo mpo yoluba geinanji geayotongaboo Yesu. ¹² Moete geegio, Yesu ko eyaga gotshe ngolo mpo yembo aee gosombola, la geohoo aetisia lotshigo lotshubu mpo yosombola Mungu. ¹³ Gee geige bwina, Ko eta baetani bande, la geoho aabina liu la baele ko epa boo baima Baetani: ¹⁴ Simona ogateege Peeteloo: Andele, getungani giande; Yakoobo; yowani; Pilipo; Batelemi; ¹⁵ Matayo; Toma; Yakoobo bona ga .... ; Simona, ogatange boo yelota; ¹⁶ Yuda, Bona ga Yakoobo; La Yuda Mokelioota, Ogaenje Yesu. ¹⁷ Geohoo aasuluga aboo ko beemala gotshe ngolo emoa, Gwaitshe gee gage liemba libaetani bande lagage begeenda bo baito ba yuda go Yelusaleme, la gombale baye Tula la Sidona. Beyende baiye mpo yoowagee, la mpo yembo bauhisame a beale beaboo. ¹⁸ Obambee mowa looso la beenda bebe ko beuhisiama. ¹⁹ Laa liemba libaito besile nde mbo bamatee gee, ....................... nenende goete yande ko euhisia boo batshubu. ²⁰ La galo Yesu oho aasia baiso liolo gotshe baetani bande, Ko ebea genanga mpo yino obatsha gea mpo yembo bokondi bo Mungu boende mpo yino! ²¹ Oloo bolongeenee yino obangale la isigee sikagi mpo yembo bougutwindi! Geeleemoo mpo yino obangae molela sikagi, mpo yembo boo ngainde moete gesagela! ²² Gelemo, Bolube ge inanji geayowa baito beowenu obe, Gwa yobitsha bebitsha bebitshenu, la gwayotonga betongenu obe, La bebasola nde baino baino ambo gea gemoa getsha litina mpo ye lina libona ga boto! ²³ Ngaai a gesagela bo bwina, la ngaaai moete gehoi mpo yembo oolo bwino bongaande boleenee go liolo; mpo yembo galoo nde atonga baise babooba ngene. ²⁴ Inji mboo nganji mpo yino baito ba bioto mpo yembo bongai abooto ogangae molesienu ....... ²⁵ Nganji yino baito obangae moete liuguto, La boongaindi la isigee! Ngandi yino obaseea sikagi, Mpo yembo boongaindi mo lingbaa laa goete bileli! ²⁶ Ngandi, gee gea yobea baito batshubu oloo bwino , Galoo nde atanga baise baboo goete baombo ba Mungu obabe ⁴¹ Giii geenae Ikoko oyingae moete liso li mbogo yago, la bwenite litoo olingae goete liso liyago ? V/42 La geni gelenge gekokae oselenga la mbogo yago: mbogo; siyemi itotoleage Ikoko oyingae goete liso liyago; age ogatshia bwena litoo alingae goete liso liyago? Age Boto gabweli goseloasi, otolaapelo litoo mo liso liyago, lambo bolubande gelenge inji geo toto la Ikoko oyingae goete liso limbogo yago.