¹ Baito baiye betonge opia bo ogilitsha likomi gotie mbéo oitongamelo mosise yiso, ² Oleta mwabegise,bebegisesu abaito abaene mbeo yaao a Baiso panga go gepangeli,bobo baiga batongi baligwa li Liogi li Mungu, ³ Emi ambwale yenende gelemo ,go mbisa osila longene lo mbeo yitubu otongamela galo apange yo,imbo ebegisege a bakomi a gelenge ge loomene botobolene Teofile. ⁴ Poyembo bolube Kotshe Kotshe loo mene lo mbeo oi laise be belaisa ge. ⁵ Mo géléko ge Erode,roa lo Yudea,mombè nde a Kanga ndene ye Mungu ambe alina Zakalia,botó ga mbaleye Abia,bogali gande embende omoa mwete bana-ba Aloma ba bogali,bembénde motage Elisabeti. ⁶ Bobaele bembénde baito ba lomene gopelo Mungu,bembe nde mueenda lotsha otonga basumu,otosa beendi betubu la ogelana a mwatome Ngene mo motubu. ⁷ Batimbe a bana,Poyembo Elizabeti embende Geutu, La Bobatubu be polende abilanga . ⁸ Indje mbo mogeleko gembege mo gelanesa ligwa liande li Bokanga bo Mungu go pelo Mungu,mogeleko ogeande. ⁹ Muige nde mbo ge ambwale ogelana a gelonganyeli geligwa li Bonanga bo Mungu,ape likabo li Malasi.geogo agota goete tepelo ye Mungu. ¹⁰ Gae bue botubu bo Baito bembénde golusa mosombola,mogeleko gé opoa malasi: ¹¹ Mwanze bo moa bo Ngene anenela Zakalia ,la aemala go yogo yandee Ibolomee go geesee be humba Malasi . ¹² Zakalia epindendee gwaene enage ,la embendee la Bohaa . ¹³ Kasi Mwanzee abeá andee : Ndongala la Bohaa ,Zakalia ; po yembo Lisomboli liago Lia Imiliama. Bogali gago Elizabeti ebotandee Bona Golomee la bopaa ndege Lina li Yoani . ¹⁴ Ge epandee ge Óló ,la bosagelande,Baito baiye besagela ndee a Obotama bwande. ¹⁵ Po ye mbo engala ndee Botó bolene go pelo Mungu .apangae mo mwaa vinyo, to bagana ba bolangwa, la eyandee a Boenda Buelu goete Nda ye Inango yandee: ¹⁶ Gebinogisande bana ba isalaele gwangae Ngene Mungu yabo. ¹⁷ Engbande mwenda go peloyé Mungu Bwenda laopia bo Eliya Poa ye obinogisa betema be Baisee go ngae Bana,la Baitoba lomoto goangoe baito ba bwelibolo,Poaye oseela Mungu baito aba gelanelo. ¹⁸ Zakalia a bea a Bwandje:Gani ango imidjei loo loaho lingae loomene?Indje djaa inde yaa ngaa Inino,la bogali gai bilanga biade biagologa. ¹⁹ Bwandje aesela ge mbisa:Yetomame ambo iselege ago,la obegisae Mboli djiloi Mungu. ²⁰ Leta, bongande ²¹ Ageo gee baito bembende mogumbaZakalia,okamwa mwa bito go geleko giye gwete tepelo. ²² Gwanene ge,motigelane mbo abe abo,la belubende mbo enende lindimbo goete tepelo;Embende motonge la bo bilembo,la indjiengae gehoi. ²³ agele kose sidje ge bekolo beande be ligwa,geogo ataa go gande. ²⁴ Gombise djei geleko geke,Elizabeti,bogali gande, agaa liebe.Geogo aisama songe tano abeambo; ²⁵ Mwe mongae lipea lie liatonge la IONGIAONGIA etonge lei,gwatage baiso gwangaemi ambo atotolei soni mobaiso ba baito. ²⁶ Mo songe yeliambe IONGIAONGIA etomende andjelu Gabriele go mbau emoa ye Galilai,anga lina Nazaleta. ²⁷ Gwangae ogali omoa oga tiambo aluba bolome lipili li bona golome ga mbele ye Dawidi,lina liande Jozeju.Oho bona ogali oga tiambo aluba bolome lina liande Malia. ²⁸ Andjelu agota gogande,la abea;Bwimilia,age ogaa tongela bo oboto,IONGIAONGIA engae ago. ²⁹ Opinda a lio liogi,Malia embende motunja mbo alube geo gelenge ge oimiliesa ge gende tuta obea gii. ³⁰ Andjelu abea ande; Ndongaa abogasa, Malia,bwa udja lipea go pelo ye IONGIAONGIA. ³¹ La leta;Boudjande lieme,la bobotande bona golome la bbopandege ge lina li YESU. ³² Engande boto bolene la etamande bona ga ogaete go liolo,la Ngene, IONGIAONGIA epandege kiti ye bokondi ye Dawidi isee gande. ³³ Enga nde s bokondi gwete mbele y yakobo longo a longo,la bokondi bwande bopangae a lio. ³⁴ Malia abea a andjelu; Gani ango tongama djo mbeo poyembo djeo lubite bolome? ³⁵ Andjelu a esela ge mbisa;Boenda bwelu edjande go tie djago,la opia booga etego liolo bwindjande ge, Momo bona bwenda oga ngo botama gwangae ge,lina liande lingande bona ga IONGIAONGIA. ³⁶ Leta Elisabeti boto ga lisego liago a udja lieme li bona golome indje aiga inino,la boto ogambe bomo ta Giutu engae bwaina a lieme li songe liambe. ³⁷ Poyembo loo la lomoa loti lopia go ngae IONGIAONGIA. ³⁸ Malia a bea; Yengae boombo bo IONGIAONGIA;mwabeage motongame monge djai! la andjelu atiage. ³⁹ Oagele ko geaogemoa Malia a djaa liolo, la alingola sage go ngolo, goete mbau emoa ye Yuda. ⁴⁰ Geogo agota goete mbele ye Zakalia la a paa mbote a Elisabeta. ⁴¹ Ageleko oge owe Elisabeta mbote ye Malia bona gande ogambegoete ndea omoa la adjala aboenda boela. ⁴² A bela beende a liogi lipia : Bongae bopambolame moete ogali, la djuma ingae goete nda djago engae ipambolame. ⁴³ Gani aigela mo igeleimbo inango a nge ne djai adje goangae mi. ⁴⁴ Po letei, oageleko oge a e mi mbote djago goete litoi liai, bona a mota a gelemo goete nda djai. ⁴⁵ Gelemoa oba imiliato, poa yembo mbeo oibeame gotiedjago goangae ngene ye gelanande. ⁴⁶ La Malia abea : bolimo boai bo memie ngene. ⁴⁷ La boenda boai bo sagele a Mungu bouwesi boai. ⁵⁴ Esungende isalaele boto gandega ligwa aagelegia ngandi yande, ⁵⁵ Ogalo abeege la batata djiso po ye Abalayama la lisego liande loongo. ⁵⁶ Malia eligelende ande gesee gemoa songe imbai iseso, la gioho aambisa gombele djande. ⁵⁷ Gelaka ge elizabeta geo bota bona gegelanende,la geoho aabota bona golome. ⁵⁸ Batomba yande laa biboto la bibono beowende gombo ngene aoelela ge ngandji angandju, la besagele nde ande gesee gemoa. ⁵⁹ Gombise bekolo bonaanei,bobo badjaa gootshina ge djoombo dji bona,bobo bapanga otage lina Jekalia,ambo lina l'ise ande, ⁶⁰ La inango ande esende liogi mbisa gombo,atshi galo,lina liande lietamande Yoani. ⁶¹ Bebeende ande mbo,boto la omoa ga oboto bwago atshi tangame lio lina. ⁶² Betongelende ise ande gelembo imbaimbo esilande ota bona lina inandji. ⁶³ Elengelende lobao lomoa gombo asiginyee,la gioho asiginya gombo,lina liande Yoani. Boba tshubu baasemoga, ⁶⁴ la bonya bwande,la logame lwande lo lwaliboga sagasaga,Ebeende goopa IONGIAONGIA lokuku. ⁶⁵ Bogasa bobunde bo batshubu obambe mongaase gesee geaho,la mbeo djee dji tshubu djembende mosololama mo gehuma ge ngolo tshubu ye bayuda. ⁶⁶ Baito batshubu obaowelo bemamendemo go betema biabo go bea gombo, La galo,bona ono engaande ndji? po dje mbo mo loongene djogo dji ngene djimbe nde goete djande. ⁶⁷ Jekalia ise gande idjalisamende la opia bo boenda bwelu, la elaisende mbo, ⁶⁸ Ngene IONGIAONGIA yi Isalaele akumisame lambo aaleta baito bande la alonganya bapamboli babo. ⁶⁹ Aemaliselesu bouhesi bopia goete mbele dje Dawidi boto gande ga ligwa. ⁷⁰ Gelenge gemoa galo abeege g'ototoga la gologolo go benya be betomami biande be loongene,gombo, ⁷¹ Euhisendesu go baito oba y'olonisesu mo baago ba baito obatshia be lembesu batshubu,lambo. ⁷² etongande bagwa ba ngandji goete ba tata djiso,egelegia nde goimilia bwande bo loongene, ⁷³ Omolapisama bwaho bobundelege Abalayama tata djiso. ⁷⁴ Gombo tongae la opia goete obatshia belembesu po djo tongelage ligwa lootshongaa la booha. ⁷⁵ la bwelu la loongene go pelo yande mobekolo biso betubu. ⁷⁶ Age ambwale, botamande boekesi bono aete go liolo,po yembo boande go pelo ngene goolonganya ndole djande, ⁷⁷ Olubisa baito bande po djouhisama goete olimbisama bo basumu bande, ⁷⁸ Po dje botema bo ngandji dje IONGIAONGIA djiso.Goete ngandji djaho goagie bwina anongo go liolo go giele ndesu, ⁷⁹ Po yoenana abo baangase lotshigo la mo lima lilingbaa,la po djoendisa baolo mo ndole dje gehoi. ⁸⁰ Bona egologende,eugiende opia bo boenda, la ongaase goete gesobe ogalo agelane bekolo biande bioenenisama goete Isalaele.