¹ mungu ebegise nde mose gombo: ² mo bokolo bo pelo bo songe boemalisa nde likumbo li hema dje koyangana. ³ bota nde liuta li lilao goeta dje mo, la bomama nde liuta li tulu. ⁴ boogotsha nde mesa la boanega nde biya biaho, la boogotsha nde getelo ge lotambe la boemalisa nde tambe djaho. ⁵ botaa nde gehumbelo ge wolo po dje paka dje malasi ba pelo mo liuta li gelaiselo, la boanda nde tulu dje gegwe ge likumbo. ⁶ botaa nde gehumbelo po dje boeba boohumba gopelo dje gegwe ge likumbo li hema dje koyangana, ⁷ la botande gepuelo gote hema dje koyangana la gehumbelo, la botande badje goeta dje mo. ⁸ boemalisa nde lopango la olingia mo la booanda nde tulu po dje gegwe ge lopango. ⁹ la gombisa boosa nde baina boetsha ogwaetsha age mo gekeko la biya bitubu obingale goeta dje mo gotubu, la bobulisa nde mo la biya bi mo bitubu la bingala nde bielu. ¹⁰ boetsha nde gehumbelo ge boeba boohumba la bitongelo bi mo gotubu la boobulisa nde gehumbelo, la gehumbelo geetela nde bwelu. ¹¹ boetsha nde go gepuelo la geemaelo ge mo la bobulisa nde mo. ¹² la gombisa boodja nde la alona la bana bande ba bolome gombale dje gegwe ge hema dje koyangana la boopula nde bo la badje, ¹³ la bobatisa nde alona tulu dji bwelu la boetsha nde ge la boobulisa nde ge gombo atongelei ligwa ambo kanga. ¹⁴ boodja nde la bana bande ba bolome, la bobatisa nde bo kasaka. ¹⁵ la boetsha nde ogalo aetshe age ise gabo gombo batongelemi ambo djakanga, oesha bwabo bogotsha nde bo mo ligwa likanga loongo goete basego babo batubu. ¹⁶ mose etonge nde gi; ge etonge nde gelenge gemoa la mogotubu ogi alakele mungu ge. ¹⁷ mo songe dje pelo mogelanga ge biele mo bokolo bo pelo bo songe likumbo liemalisame nde. ¹⁸ mose eemalise nde likumbo. ge elalise nde biemaliselo bi mo la eemalise nde kadele dje mo la ge egotshe nde tokoko tosa to mo la eemalise nde bisigo. ¹⁹ ge elute nde ambwale hema goliolo li likumbo; la ete nde gea ge olupa goliolo li hema, gelenge gemoa ogalo alakele mungu mose. ²⁰ ge eose nde lilao la ete nde mo goete liuta la etende ikoko goete liuta la etende gengaelo ge nganji goliolo li liuta. ²¹ ge ambwale egotshe nde liuta goete likumbo la ete nde tulu djoseganya la emame nde liuta li lilao, ogalo alakele mungu mose. ²² ge ete nde mesa goeta dje hema dje koyangana la gombale dje liolo li likumbo la golusa dje tulu, ²³ la etande nde tokuma mo alima goliolo li mo gopelo dje mungu, ogalo alakele mungu mose. ²⁴ ge etende geemaliselo ge goeta dje hema dje koyangana, goletana la mesa gombale dje gombole dje likumbo, ²⁵ la eemalise nde tambe gopelo dje mungu ogalo alakele mungu elakela ge. ²⁶ ge ete nde ambwale gehumbelo ge wolo goete hema dje koyangana gopelo dje tulu, ²⁷ la ehumbe nde paka la malasi la liipu li lo goliolo li mo ogalo alakele mungu ge. ²⁸ ge ete nde tulu po dje gegwe ge likumbo mo gesee geaho. ²⁹ ge etende gehumbelo ge boeba bo ohumba gombale dje gegwe ge likumbo li hema dje koyangana la ge ehumbe nde boeba boohumba la boeba bo ola goliolo li mo, ogalo alakele mungu ge. ³⁰ ge etende gepuelo goete dje hema dje koyangana la gehumbelo, la etende badje goete dje mo po dje opula. ³¹ mose la alona la bana ba bolome bande besogole nde baago babo la baolo babo la mo. ³² aho agote bo mo hema dje koyangana, la aho aemale bo go gehumbelo, bepule nde ogalo alakele mungu mose. ³³ ge eemalise nde lopango la olingia likumbo la gehumbelo, la ete nde tulu mo gegwe ge lopango. lagalo mose esilise nde ligwa liaho. ³⁴ la gombisa lipata liindje nde goliolo li hema dje koyangana, la ogenegu bo mungu bodjalise nde likumbo. ³⁵ mose atikoke gogota goete hema dje koyangana po dje mbo lipata liaho liligele nde goliolo li mo la ogenegu bo mungu bodjalise nde likumbo. ³⁶ mo gee ge endo djabo djitubu aho atotoge lipata goliolo li likumbo, baito ba yisalaele beende gopelo. ³⁷ ambaa mbo lipata litiotoge, andi batie gopelo kino ogalo atotoge mo. ³⁸ po dje mbo moete endo djabodjitubulipata li mungu lilingele nde goliolo li likumbo mo gee ge loha, la djiimbe djimbe nde goeta dje mo mo gee ge lotigo moete baiso ba mbele dji yisalaele djitubu.