¹ Nabo, bene Nyamuzinda bayinja kuchiyerekana embere za Nahano, na Lyangombe naye abayinjamwo kandi n'oku chiyerekana embere za Nahano. ² Nahano abwira Lyangombe: Ngahe wa rhenga ? Na Lyangombe amushuza ndi nazunguluka egulu n'okulirhambagira. ³ Nahano abwira Lyangombe: Ka wabwen'omwambali wani Yubu? Ntaye omu linganene omu gulu lyoshi; Muntu orhagengwa na mushinganyanya, ayoboha Nyamuzinda, na nta kugaluka enyuma omu mabi. Aba mushinganyanya omu bwemere bwage, yi walonza mpu muheze buzira chibazo. ⁴ Na Lyangombe ashuza Nahano: Luhu oku luhu! Eby'omuntu aherhe byoshi, ana bihana enyanya w'akalamo kage. ⁵ Aliko lambula efune yawe, omuhume oku mubiri n'oku mavuha, menyere oku nj'akulahira embere zani! ⁶ Nahano abwira Lyangombe : Lolaga,Y'oyula nguhere: Aliko, orhahumaga oku kalamo kage. ⁷ Na Lyangombe ayumuka arhenga embere za Nahano. Na ntyo Lyangombe aheba ku Yubu obulema bwendwala, kurhenga omu lushando kuhika okushumo lye rhwe. ⁸ Na Yubu arhola olujo alema achiyaga-mwo anayikere omu luvu. ⁹ Mukage amubwira: Bichi ochinanirizeko omu bushinganyanya! Jachira Nyamuzinda, n'oku chifira! ¹⁰ Aliko Yubu amushuza: Yi waderha nka mukazi muhwinja. Bichi! Akaba rhunarhola ebikwirire emwa Nyamuzinda, ntako njirhurhanarhola kandi ebibihire! Mw'ebyola byoshi Yubu arhajiraga chaha oku bunu bwage. ¹¹ Bira ba Yubu basharhu bamenya amabi goshi gamurhogere. Elifazi w'e Temani, Bildadi w'e Shwahi na Sofari w'e Namati, boshi balali kana mpu bagende kulola gurhe owabo abere bamulakire n'oku bamurhulirize! ¹² Oku bachiri hale bamulangira kw'amesho, barhamumenyaga, balika omulenge n'okulaka. Baberagula emishangi yabo, n'oku chikweba akachulo omuchanya ly'amarhwe gabo. ¹³ Oku handi bayikala ahola aha burhambi bwage siku mushanvu n'amadufu mushanvu, buzira kuderha mwazi, bulala balibwene nka malumwa gage gali ganene.