¹ Omu chihugo che Usi, mwaliri mulume muguma ezino lyage ye Yubu, ali mushinganyanya, ayobohaga Nyamuzinda, arhajaga ahali amabi. ² Aliherhe banyere basharhu na barhabana mushanvu. ³ Aligurhire bibuzi bihumbi mushanvu, bihumbi bisharhu bye Ngamiya, magano marhano g'empanzi, magana marhano ge Punda ze chikazi, na abambali banene kulusha, oyo mushamuka, ali wa lukengwa bwenene omu bantu boshi b'ebushoshokeo bw'ezuba. ⁴ Abagala balikomere oku genda bajira olusiku lukulu emwa ngasi muguma mwabola, barhumiza na bali babo oku bali basharhu, mpu bayinje balye, banywe haguma boshi. ⁵ Ago mango g'esiku nkulu gabaga gamahwa, Yubu abarhumiza mpu bayinje abahunire, anazuka misekemiseke n'oku rhulira ngasi muguma enterekero: Bulala alema aderha: N'okuchizanisa emurhima, eri: Hakanaba aba bana bani bajirire echaha. N'okulira Nyamuzinda omu mirhima yabo! Ntyo ku Yubu agenda ajira ngasi mango. ⁶ Lero lusiku luguma bene Nyamuzinda bayinja haramya embere za Namahanga, Lyangombe naye ayinja omu charagati chabo, Namahanga abwira Lyangombe: ⁷ Ngahe ohulukire? Lyangombe amushuza ndi nageragera omu gulu namanalimala na zunguluka. ⁸ Namahanga ashubirira aderha : Ka wabwene mwambali wani Yubu? Nta muntu omulinganene omu gulu lyoshi arhagengwa na mushinganyanya, no kuyo boha Nyamuzinda n'okugaya amabi. ⁹ Lyangombe ashuza Namahanga ka busha Yubu ayubahira Nyamuzinda? ¹⁰ Chi wamanya mpu arhamuhagalaga bulala? Omu nju yage n'ebyali muli mwo? Wagisha emirimo y'omu maboko mage, n'obuso bw'ebirhugane byage byolola omu chihugo. ¹¹ Orhangi lika okuboko kwawe, ohume kwe bila aherhe ajira byoshi kweri kulahire, orhabwene oku okugayisa omu malanga-mbere. ¹² Namahanga abwira Lyangombe : Eri, ebyage byoshi nkulikire byo. S'aliko omanye kuguma konine orhamuhebaga kwe fune yawe. Okuhandi Lyangombe ayumuka, arhenga oku burhwali bwa Namahanga. ¹³ Lero, lusiku luguma, bagala na bali ba Yubu, baliherhe balya, bananywa oku rivayi, omu mwa mukulu wabo, ¹⁴ Entumwa yayinja eri bwira Yubu, eri waliha, empanzi zawe zabere ziherhe zahinga n'endogomi nazo eri ziherhe zageragera aha burhambi. ¹⁵ Mukano kasanzi bahalanyi b'e Seba bamashamuka, zamashukuza empanzi, bambali bawe boshi, bamabageza kwe byoje bye gorho nyenine nabafulumikire mwo, bo bunola nyijire nti nkubwirire na nkukumanyisa eyo myazi y'obuhanya. ¹⁶ Oku aherhe aderha ntya, owindi amaha hamuka aderha : Omuliro gwa Nyamuzinda gwamamanuka omuchanya, gwamasingonyola ebibuzi n'abangere, barhahumirwe omu bunu, nyenyine nyenyinye n'afulumikire mwo, bwo bo ndi kukubwira ogu mwazi. ¹⁷ Oku achiherhe aderha ntya : owindi naye y'ono,yono, aderha : Abantu b'ekaldeya bamanayinja bachigabire mu biguso bisharhu, bamabalalira oku ngamiya, bamaziheka, bamageza bambali bwawe kwe byoje bye gorho nyenine nabafulumuka mwo boobola ndiku bwira ogola mwazi. ¹⁸ Oku achiherhe aderha ntya owindi y'ono, y'ono, aderha : bagala bawe na bali bawe balemaga balya n'okunywa erivayi omu mwa mukulu wabo, ¹⁹ Lero omuhusi gunene gukomere gwayinja ewa lunda l'omurungu, gwamachihonda oku rhuhemberhune rhwenju, yamakubagalira oku bana, barhabahumire omu bunu. Nyenine dolo dolo nafulumikire bwo bola ndi kukubwira eyi myazi. ²⁰ Oku handi, Yubu ayumuka, abera emishangi yage, agembwa okurhwe; kandi achirrhimba oku daho, ofukama, ²¹ Narhenga mushugunu omu nda ya nyama na bushugunu nashubiremwo, Nahanga wampaga, na namahanga y'e nyegere, Ezino lyage likuzibwe. ²² Ruli okola kunyegwa koshi, Yubu arhajiraga echaha, arhajachiraga na tacho ahanire cho kugayisa Nyamuzinda.