¹ Yetero, mudahwa mukulu wa Midiani, eshezala wa Musa arholere byoshi Nyamuzinda ali ajirire Musa n'e Israeli. Olubaga lwage lwamenya gurhe Nahano akulire Israeli omu Misiri. ² Yetero, eshezala wa Musa, arhola Sefora, muka Musa wali washandire nju. ³ Arhola n'abana rhabana babiri ba Sefora: Muguma aliri ye Gerishomu, bulala Musa ali aderhere oku: Ndamire omu chihugo chabene. ⁴ Owindi aliri ye Eliezeri: Bulala ali aderhere oku: Nyamuzinda wa derha antabere, ankula omu ngorho za farao. ⁵ Yetero, eshazala wa Musa, haguma n'abagala na muka Musa, ayinja omu mpinga achumbika oku Ntondo ya Nyamuzinda. ⁶ Abwira Musa, nyono shozala, na yinjire emund'oli, haguma na mukawe n'abana bage babiri. ⁷ Musa aj'embere z'eshezala, afukama, amununugurha, bamenyesana bonyine kubonine enyanya z'akalamo kabo, baj'omu hema lya Musa. ⁸ Musa abwira eshezala byoshi Nahano ali ajirire farao n'e Misiri enyanya ya Israeli, amalibuko goshi bashimanene omu njira na gurhe Nahano abarhabere. ⁹ Yetero asimiswa n'amenja goshi nahano ali ajirire Israeli, n'oku omulikuzago omu mabokog'abanya Misiri. ¹⁰ Yetero aderha: Agishwe Nahano, wabalikuzize omu maboko g'abanya Misiri, n'omu maboko ga Farao; wakulaga olubaga omu maboko g'abanya Misiri. ¹¹ Menyere bunola oku Nahano ali mukulu bwenene kulusha emana zoshi; bulala obubi bw'abanya Misiri bwabagalukire. ¹² Yetero eshezala wa Musa, arhula emwa Nyamuzinda enterekero n'entulo. Haruni haguma n'abashamuka boshi b'e Israeli bayinja kushangira ebiryo haguma n'eshazala wa Musa, embere za Nyamuzinda. ¹³ Buch'esezi, Musa ayikala kucha eshinja z'olubaga, n'olubaga lwinj'embere zage kurheng'esezi kuhik'egolo. ¹⁴ Eshezala wa Musa abona byoshi aliri ajirira olubaga, aderha: Bichi oli wajirahola n'ololalubaga? Bichi birhumire aoyikere, n'olubaga loshi luyimangire embere zawe kurhenga esezi kuhik'egolo? ¹⁵ Musa ashubiza eshezala mpu: By'olubaga lulonzeze kuyinj'emwani yi babonanana na Nyamuzinda. ¹⁶ Amango bagwerhe bibazo biguma biguma, bana nshimba, nanababwira, n'oku menyesa Nahano Nyamuzinda n'amarhegeko gage. ¹⁷ Eshezala wa Musa amu bwira: Eby'oli wajira birha kwirire. ¹⁸ Wachirhamya weneine, oluhya n'olula lubaga olinalo: Bulala echintu chiri okurhwe lyawe, orha kwanene ku chihangayisa wenine. ¹⁹ Bunola, yunva omulenge gwani: Nk'ali kuhereza ehano, na Nyamuzinda abe haguma nawe; Obew'oku derher'olubaga emwa Nyamuzinda; oheke ebibazo emwa Nyamuzinda. ²⁰ Obayigirize ebihano n'amarhegeko; ona ba menyese enjira baka kulikira n'ebi ba kwanene kujira. ²¹ Londola omu lubaga loshi abantu ba kwanene, bayuhire Nyamuzinda, abantu bayegerezwe, bayubahire oku yugurha bonine; obarhegekere nk'abarhegesi b'echishagala barhegesi b'egana, barhegesi ba makumi marhano, barhegesi b'ekumi. ²² Barhegeke olubaga amango goshi, balerhe embere zawe ebi bazo byoshi byakachiro, bana derhe bonine oku bintu bya bushabusha, kehya omuzigo gwawe, bakugwase kugo. ²³ Okajirantyo, na Nyamuzinda aka kurhabala, wana bigala, n'olola lubaga lwaja bwinja emwababo, barhegekerwe. ²⁴ Musa ayunva omwazi gw'eshezala, ajira byoshi ali aderhere. ²⁵ Musa achishoga abantu bakwanene omu Israeli yoshi, abajira barhegesi b'olubaga, barhegesi ba chihumbi, barhegesi b'egana, barhegesi ba makumi marhano, barhegesi b'ekumi. ²⁶ Bakzagi chira abantu eshinja amango goshi, bakazagi lerhera Musa eshinja zikomere; bakazagi mala bonine ebibazo birhakomere. ²⁷ Musa alek'eshezala agenda na Yetero achigendera omu chihugo chage.