¹ Rhwahindamuka, rhwayerekera omu mpinga, omu njira y'ebwanyanja ndukula nk'oku Nahano ambwiraga, rhwazunguluka entondo y'e'Seiri siku zinene. ² Nahano ambwira, aderha: ³ Muzunguluke eyi ntondo, muhindamuke muyerekeze emalambo. ⁴ Komereza abantu obabwire; mugere omu lubibi lwa bene benyu, bene Esau baba omu Seiri, nabo babayubaha aliko muchilole. ⁵ Murhabalwisaga, bulala ntabaha echihugo chabo chiro n'ehityu haba n'echishando ch'okugulu, bulala entondo y'e'Seiri nayihere Esau chishoko chage. ⁶ Mwagula ebiryo emwabo n'efuranga mubone ebyo kulya, mwagula amenji emwabo mubone aga mwanywa. ⁷ Bulala Nahano Nyamuzinda wawe akugishire omu miromo y'efune zawe, wamenyere kulambagira omu mpinga nene: Myaka makumi mane Nahano Nyamuzinda wawe aliri haguma nawe orhabulaga chintu. ⁸ Nantyo rhwagera eburhambi bwa beneberhu bene Esau bali lamire e'Seiri, hofi h'enjira ejire omulubanda lw'e'Elali kurhenga e'Sayuni Geberi, Rhwahindamuka rhwagera omunjira y'empinga y'e'Moabu. ⁹ Nahano ambwira: Orhalibuzaga abanya Moabu nanga orhalwaga nabo entambala, bulala ntaguha echihugo chabo mpu ochirhambule bula okuba na chihere bene Loti, Ari okuba mushoko gwabo. ¹⁰ Aba Emi bali lamireho mira, bantu bazibu banalehere nka Baanaki: ¹¹ Baganiza mpu nkaba nabo bali Barefaimu kuguma na Banaki, aliko aba Moabu bahamagala Ba Emi. ¹² Abahori nabo balilamire omu Seiri mira, aliko bene Esau babakulikiranya baba shereza barhola ahali habo nkakulala Israeli ajiraga omu chihugo ch'omushoko gwage Nahano amuhaga. ¹³ Nantyo muyumuke, mushabuke olwinji lw'e Zeredi, rhwashabuka olwinji lwe Zeredi. ¹⁴ N'amango rhwahenda ga rhwarhenga Ekadeshi Bareneya n'oku rhwashabukaga olwinji lwe Zeredi hagera myaka makumi masharhu na munane. N'omwishuko gwahwa barhenga omubiraro, nkakula Nahano anajiraga endahiro. ¹⁵ Efune ya Nahano kwali baliko oku bashereza barhenge omu biraro bahwa. ¹⁶ Eyi enfola muherho zoshi zihwa n'okufa kurhenga omu bandi bantu. ¹⁷ Nahano ambwira aderha: ¹⁸ Zene oshabuke Ari olubibi lwe Moabu. ¹⁹ Hanola oshegera hofi na bene Amoni orhabalibuzaga orhana lwaga nabo: Bulala ntaguha echihugo chabo okuba mushoko gwabo bulala nachihere bene Loti nka mushoko gwabo. ²⁰ Echi chihugo chigererezwe okuba cha Barefaimu; Abarefaimu balirimo mira; S'aliko aba Amoni babahamagala Ba Zamuzumimu; ²¹ Bantu bazibuzibu balehere nka Banaki; aliko Nahano abasherereza embere zabo, nabo babakulikiranya barhola ahali habo. ²² Nka kulala bajiriraga bene Esau balilamire e'Seiri, amango basherezaga Abahori babakulikiranyaga barhola ahali habo kugera na zene. ²³ Na Abawawi baliri lamire omu chishagala ch'elubibi lwe Gaza Abafuti barhengaga Ekafutori baba shereza barhola ahali habo. ²⁴ Muyumuke, mugende, olungendo lwenyu mushabuke olubanda lwa Arononi: Mulole oku nabaheber'omu fune zenyu Sihoni Muamori, omwami we Ehesiboni, n'echihugo chage; rhonderha okurhambula n'okumulwisa n'entambala. ²⁵ Zene narhondera oku barhinga n'okuhira obuba omu bantu boshi balama eshishi y'ezuba, abanjibanyunva engani zawe n'oku dirhimana n'okuja mwamalumwa enyanya zawe. ²⁶ Narhuma endabi kurhenga omu mpinga ye Kademoti ya Sihoni mwami we Hesiboni n'amulanzi w'omurhula na derha: ²⁷ Onyemerere ngere omu chihugo chawe n'agera omu njira y'omuharuro ntaj'ekulyo ntaj'ekulembe. ²⁸ Onguze ebiryo oku furanga mbone oku nalya; ompe amenji oku furanga mbona oku nanywa: Enyemerere nji n'agera n'amagulu gani. ²⁹ Nka kulala bene Esau bali lamire e'Seiri na aba Moabu balamire e'Ari obayemerere nabo kugera bashabuke e'Yorodanibaje omu chihugo Nahano Nyamuzinda werhu arhuhere. ³⁰ Aliko Sihoni mwami we Ehesibonia arharhuyemereraga rhugere emwawe bulala Nahano Nyamuzinda wawe omurhima gukomere m'omurhima ahira obubi omu murhima gwage alonza amuhire omu fune zawe; nka zene. ³¹ Nahano ambwira: Lolaga, narhondere okuhira Sihoni n'echihugo chage embere zawe: Rhondera oku shokola abayima omu chihugo chage. ³² Lero Sayuni arhuyinjako n'abantu bage oku ntambala e' Yahata. ³³ Nahano Nyamuzinda werhu amuhima embere zerhu rhwamushurha yewe n'abana bage n'abantu bage boshi. ³⁴ Rhwarhola ebishagala byage byoshi mwago mango, n'oku shereza echishagala chali mw'abantu haguma n'abakazi n'abana rhurhalekaga chiro n'omuguma. ³⁵ Enkavu zowe rhwazirhola haguma n'ebishagala rhwarholaga. ³⁶ Kurhenga Aroweri eri okubuzinda bw'olubanda lwe Arononi, echishagala chiri omu lubanda kugera omu lubibi lwe Geleadi harhabaga echishagala chilehere okurhugamba; Nahano Nyamuzinda werhu arhuha byo byoshi. ³⁷ Echihugo chonine cha bene Amoni rhurha chishegeraka, olunda l'olwinji lwe Yakobo na ebishagala bye chihugo ch'entondo na ngasi hoshi Nyamuzinda werhu arhuhanzaga.