¹ Bana ba m'ma ekai mbele kowakowa kino mo looka ito mokolo Mokonga Klisto yaika bo moeseo ya kokamba kosonasona moto woose. ² Bundesai aika m'mba wan'ngeya mo bosongana kino munakato omo na m'mpika ya monywe ya oketi ya ema ma n'ntulu ya phowa ke ya n'ngeya kae kauwe kamo sika ke bato na bolula. ³ Aika m'mba tatimbola komona kito ka owa si owa webate n'ntulu ya phaphoa, ke baena nande mbele:"Owe tchumana asima si ano ya aketi, ke aika m'mba baena na kawe ambele! Owe imanesana; ango mbele tchumana kiyo ka bateli yane ya mao, ⁴ Bito otoe bino bane mine kobaanya, ke bito obuka bino bondi na ko ondesana na toengeleo ta maenyeli mino ma beyai? ⁵ M'mgbai bana ba m'ma baemesani bane :"Mokonga utoisonanga touwe ko maiso ma tchese ambele baike maphoka mo ba angile, ambele bato mbe m'mba iyota bokota si owa yeene we ambele okoabai kobaa beeme we? ⁶ Ke bane bo touwe! Yo buwa maphoka i mokoesa bane obaba, ke mo kopholota bane boso ya malumba ma babuki ba maondi? ⁷ Yo buwa bai bootepholesa lina isaali si eya ye bate bane. ⁸ Aika m'mba baengamesa angile wa bokota, mo koengamesa na maoki si maa mephaloke! Okoemai owa webakameye owe aisa m'mba owe mune, boota bosaali. ⁹ N'ndi aika m'mba ba sona munakato omo, batake kobeya babukalekake kobeya na angile m'mba baseyo. ¹⁰ Mo isina mbele aika m'mba owa okotangana na angile woose, n'ndi wakeake mo omolika wa angile, wa keake mo boose. ¹¹ Bindia mbe, owa weene ambele:"Utetangi ilemba, weene kai ambele weiyangi, mo boobo aika m'mba utete ilemba, n'ndi aika m'mba waiya, waikake owa wa munake angile. ¹² Enaina kota m'mba ba bondi yabo yo obukai na angile wa koekeleka. ¹³ Bondi ya keka ka bondi kokoikai na kokanga tchombo kolongea ka kobukeka ka bondi. ¹⁴ Bana ba mina, ikai na eni esina ka owa okoena mbele uka na angile, ambele we kambe mekambo? Kowakowa ko koondesai wei? ¹⁵ Aika m'mba mana m'mba omo amo ome angomana m'ma omo amokali bauka mekanga na kokanga moleli ya n'nsu yoose. ¹⁶ Ke aika m'mba omo n'nkati ino m'mgbai kaya ke beikotei ambele bitee bo eeyo ikai na oni oketi kauwakabo? ¹⁷ Ika kai boobo mo kowakowa; aika m'mba ka kamba mekambo, kapkake ko kemine. ¹⁸ N'ndi omo okoeni ambele na mekambo. Moesa noo kowakowa kabe ke kambe mekambo, ke noo noomeasai owe kowakowa na mekambo. ¹⁹ We akowe ambele Mokonga ukai omo lika, watake bosaali; beakowe kae ko bootekateka. ²⁰ Weemei kolembela, e munakato wakokanga isina mbe kowakowa ka kokomba ikai beikaika. ²¹ Abalayama, Ise wito, uta bandekanga m'mbele weengamei, bondi ya mekambo ke mo mekambo, kowakowa ke bandekei ambele keengamei? ²² Wa monake mbele kowakowa ko otumikangai na mekambo yande, ke na mekambo kowakowa kaengamangai. ²³ Mo boobo nakoengamesana eya yeene ilonga ambele Abalayama na kowakowa Mokonga ke yo makobandeka we mo koengama ke we nakoetaka munakande Mokonga. ²⁴ Ba monake ambele munakato okoenganai na mekambo ke, buwa na kowakowa lika. ²⁵ Loaba amokali w ilemba utaengamanga we ka na mekambo, abuwa ya okowanga we batomeki ke waisa ba na ephe m'mboka? ²⁶ Bowa mobe na kokanga mosombo ikai ya kopka, booba kae kowakowa ka kokamba mekambo kapkake.