¹ Yakobo, mokobe wa Mokonga na mokolo Mbali Klisto, mo mephindi ikomi na ibe si eya ebalangame, ko onda. ² Bana ba m'ma, monai m'mba bondi ya ome ya koiyesa kosondjeka si kowa keteleke bane moko. ³ Na koela mbele kosondjeka ka koakowa kino kokoesi koendeya. ⁴ N'ndi engami ambele koendea kaengamese mene-mene mo kombo yande, mo isina mbele beengami bena ke beiyanesei, na kokamba kokosa koengamesa bondi omo. ⁵ Aika m'mba omo n'nkati ino wakamba weli, waombe yo ka Mokonga, we okoabanga buwa tchekamba na kokamba kosuleya, ke yo koabelekai we. ⁶ N'ndi waombe yo na kowakowa, buwa meango; bondi ya owa oota meango weengamesani na ma boobo ma iyaba ya ema, eya yo onyengenyanga na mophopho ke ya omboleka mo okonge omo na ophe. ⁷ Munakato okitaka owo obuwa koengeleya kotomba tchesima tchemo ka mokolo. ⁸ Ikai munakato wekambe koengelea na tchekamba mo m'mboka yande yoose. ⁹ Ekai mbele mana m'mba si owa uka na boyaeli ya koselela walomese omune mo koimoka kande. ¹⁰ Ekai ambele iphoka, mo we walombese amune mekoseleselak kande bondi ya okoeta m'mba ya kalengulungu. ¹¹ Looba yeimokei na kaya kande koema, ye kamesei iyangala itunda yande ya ema ke kopha ka boyaeli yande na kolimena. booboi iphoka yooseyama n'nkati ya mekambo yande. ¹² Ome ka munakato si owa okolela n'nkati ya obaba ya kosondjeka kande; mo isina mbele maili ya kosondjeka, o otombai m'mpika ya motchwe ya koika, eya mokolo weakowe koabeya bo ko makondjekeo mo baa si ba beeme we. ¹³ Aika m'mba munakato wasondjake noo, mo isina mbele Mokonga uteengame ande kasondjeka na kobeya, ke omune uto osondjonga ande munakato. ¹⁴ N'ndi omo na omo osondjekangai aika m'mba wa pholoteka ke wa baanyeka na tcheema tcande tchemine. ¹⁵ ke aika m'mba tcheema, aika m'mba tchabiya mesolo, tcho obotai kobeya; ke kobeya kateleka, ko obotai, kopka ¹⁶ totokesa bito bane mo isina ya bondi si bana ba m'ma. M'mgbengbele yoose itonde ya phowana ibaanyeo yooseisaali yo oselele-selekangai kolinga kiyo, ka Tata wa phololo, kowakande si kowa kekambe ango kobaanyeka, ango iphfue ya kotomboka. ¹⁷ Maondi moose masaali na ibaanye o isaali okulangai koa kio; yo selelangai ka Tata wa liangangi, we wa uwande na ko timboka-timboka, uto ko isanga ango iphuwe ata kakolo-kolo. ¹⁸ We botei base mo tche ema tchande, na looki ya liti, ambele teikei aisa m'mba ba boteki bande ba boso ba besima si beya beendjeke we. ¹⁹ Lembelai yo bana ba m'ma baemesani bane mo bobo kae, munakato woose wam'mgbe kabeyo-beyo, ka okooke mo tcheongeli. ²⁰ Mo isina mbele tcheongali tcha munakato tchitokoengamesa ande koengama ka Mokonga. ²¹ Mo isina mbe mo kom'mbala boyaeli yoose ya bololo asima amo na n'nguma ya weli ya beya ya koeteya tombai na bi looki si owa yalekelkanga kowakino, ke eya yeengame na ko ondesa mesombo ino. ²² Tai ko mekambo looki ke bouwai kotungeya mo ko m'mgba, na ko keseleka bane mine na to engeleo ta beya. ²³ Mo isombele aika m'mba munakato omo wa m'mgba looki ke wakalmba kotayo ko mekambo, wetuanyayi na munakato si owa oonyeeya mo bomoneo tchondi tchande tcheteleke nande. ²⁴ ke owa maili ya ko moeseleka, wa ya ke wabeya kabeyo beyo boitaka si owa ikase we. ²⁵ N'ndi owa si owa okom'mbola komona mo ba angile si ba beengame, angile wa koekeleka ke waika na moinai na ko kamba koika moeni si owa waibeyaneka ke, n'ndi owa uka ko mokambo, ooyo okikai na ome n'nkati ya mekambo yande. ²⁶ aika m'mba owa okoengelea koika munakato wa masomboli na kokamba kota tcheami tchande mo ko lina itana na ko kesa mosombo yande, etanda ya munakato si yekambi inena. ²⁷ Etanda ya phenena na eya ekambe itoi, boso ya Mokonga Ise wito, yeengami na kiyanga ko monanga tauwe na betike mo obaba yabo, na kotanga na koekana na bololo ya tchese.