¹ Temonei, koema kowa Ise wito wamonesake base, mbe teeteleke bana ba Mokonga-eke, tika kai bana bane aika mba cheese chutaebanga we, ikai mba, chilaebanga bande we. ² Bame, Masau Mane, tika enekeke bana ba Mokonga, na bowa ekeuka base inaebekani bande, bondia tenamoni bande yo tele mbe, abowa yo moneka tokoikai mba we, bondia tekeimona we bowa ika we. ³ Woose owa wika na kaenyeleo si kaako, okophenènai, mbo bowa ephénene. ⁴ Woose owa woota kobeya kikai komuna angile. ⁵ beli basaali mbe Mbali wile mo cheese makia kotoesa kobeya. Eke, kobeya kobua kae kowa kande. ⁶ Woose owa uka baka nande, utoota kae kobeya, woose owa woota kobeya utemonu bande we na uteli bande we. ⁷ Baana banuke, bowa moto wa kon'ngesa bane mokobeya. Woose owa woota bassali, wikai mosaali; bowa womune uka basaali. ⁸ Owa wota kobeya ukaï wa Satana, bondia Satana watangai kobeya kolunga boso. Mana Mokonga walangow mokobalanganesa mekambo ya Satana. ⁹ Woose owa wobote na Mokonga wotokota bande kobeya, bondia wika kauma ka Mokonga, kika n'kati yande. Utengame nakota kobeya bondia oboteke na Mokonga. ¹⁰ Moaowo ndi yokoebekananga bana ba Mokonga na bana ba Satana. Woose owa utokota kofoa obua bondi wa Mokonga mba moto si owa uteeme monakande ¹¹ Bondia, moose maa maebeselekenga bane na moose ma man'ngbanga bane koenga boso, ika mbe, teengamei na koenesana omo na munakande. ¹² To buwa koondea Kaini, wankanga mokobeya, waiyanga mana m'na. Bondia chei waiyanga we? Bondia mekambo yande ya beyengai eke ya mana-mi yafoangai. ¹³ Buai kosangala, cheese chokosekai bane. ¹⁴ Toli mbe teetei mo kogba mokoeta mo koonda, bondia teemei munakande. Owa witeeme m'ma-kande, ukai n'kati ya kogba. ¹⁵ Moto woose, owa oseke munakende wikai mooiyi eke beli basaali mbe moiyi ango omo utokongeya mo bokota ya kio. ¹⁶ Taebanga kofoa, bondia waesangai mobe yande moleka bondia bato boose. ¹⁷ Aika mba moto uka na nguma ya besima mo cheese, eke wamona minakande mimakato mbe wika na bokambe eke waeka kosengawe boni eengame, nakoebekana mbe wika na mapindo (koema) n'kati yande? ¹⁸ Bane, baana banuke, bowai koema ko maoki lika n kanande mo beteleli na liti. ¹⁹ Mo aowa ndi, tokoebai mbe tika bato baliti, bakoema binakito, na komoesa netema ito ya koema moto. ²⁰ Bondia motema ito yo kosoma eke Mokonga ukai mophème kolongea motema, eke wee weli besima boose. ²¹ Binakito, betema ito, itokokanda base, tika nakowa-kowa boose na Mokonga. ²² Choose cheya chokoomba base tokoeselekai cho ko kande, bondia tokonda ba angile bande na tokota maondi masaali, ma meeme we. ²³ Abono, i ika angile wande eya tokoonda mo ema Mbali Mana nde, mbe teemesane, bamo ne binakabo, mokonda ba-angile baa beese we waesa base. ²⁴ Woose owa wokolitosa ba angile se boose uka nkati ya Mokonga eke teeli mbe wekai nkati ito mo mosombo Afoa.