¹ bana bane, naandikake mano maondi mbe béte tangi kobeya, aika mba omo wino wata kobeya, tek na moenei baka na Ise, Mbali waliti. ² Wika omune owa wagbeleanga base bondia kobeya kitu, baande bondia kobeya kito lika ndi kachese choose. ³ Aika mba tatosa ba angile bande, aowo yokoebelekane mbe téli we. ⁴ Owa wokoena mbe weli we, mbe utoko tosa ba angile bande, wikae moto wa olanga, eke liti obaa bande nkati yande. ⁵ Ndi woose ow okolitosa looki yande, mo aowo tokoebai mbe tikai bande. ⁶ Owa wokoika nkati yande, wokaendai mba bowa we waikanga mo koenda we omune. ⁷ Ban, masau mane, yobande angile waeneke, eya naebesake bane, ikai wazamani, ikai looki owa maebesanga bane, looki owa bangba moni. ⁸ Mo boobo, ikai angile wa enekeke, wokoebesa bane wika waliti kowa kino, bondia iphue yotokai éke looba asaali yo nakomoneka. ⁹ Owa moto wokoena mbe uka nkati ya looba si oowo eke woseke munkande, winaika nkati ya iphue. ¹⁰ Woose owa weeme munakande, wik nkati ya looba ke bondi yoose ya beya ito koonda bande we. ¹¹ Ndi, ow wokoseka munakande wika nkati ya iphue, wokoende nkati ya iphue, utokoeba koni okiya we, bondia wika nkati ya iphue, bondi iphue yalendekeke maiso mande. ¹² Naebesake bane, bana, bondia kobeya kino kameselekake, bondia lina yane. ¹³ Naebesake bane, boose, bondia bane beli, owa waikanga kolinga boso naebesake bane leemba, bondia bamonangai liti. Naebesa, bane banuke, bondia baebengai Tata. ¹⁴ Naebesake, batata, bondia baebangai; owa waikangai kolinga ko makonokei. Naebesake, bane leemba, bondia binaika na mekuwa, na looki ya Mokonga ika nkati inoo ena looki ya Mokonga, ika nkati inoo, na bolongeake mosei. ¹⁵ Buwai koema chese, ngo besima ba cheese. Aika mbe, moto waema, koéma ka Mokonga ko buwa bande nkati yande. ¹⁶ Bondia boose ba cheese: koema, boose bitokalenga bande ka Mokunga, ndi mocheese. ¹⁷ Cheese chokoetai, na maondi mande ndi woose nsu-na-nsu. ¹⁸ Bane baana banuke, tika monyanga ya iko, mba bowa aebanga bane, moini wa Klisto walake, baini ba Klisto balake babuwa ika n'nembe ya ntungeo cheese. ¹⁹ Beomokei nkati ito, ndi bobua bande bito, ndi bitaikanga bande bato, aikange mba bikai bato mbe babakabeyangi base, yoose ilei ombe teebei mbe bobuande bito. ²⁰ Mo, baane, betombei makuta masaali, metoke ka owa wephènene éké, bika bane boose na weli (koeba). ²¹ Ne besei bane, buande mbe be bungeyei liti, mbe beebe liti si oyo, bondia olanga ango omo ito kotokanga bande moliti. ²² Nani oka na olanga? ikai owa uteli Mbali, Klisto, oyoi weseke Klisto, owa okoeka Ise na Mana. ²³ Woose owa okolingowa mana, obua bande na Ise, owa wose, woko-ako Mana, wika na Ise. ²⁴ Eya, ben'ngebei, kolinga boso, ya ilele n'kati in'no na bane leikei nkati ya Mana na Ise. ²⁵ Koakowa si kaensanga base ikai koika ka laya-laya. ²⁶ Neebesei bane, manao moose, bondia ba bokoema kolinesa bane. ²⁷ Mo, bane, makuta si maa meiseleke bane mooseya nkati in'no, bobuakae na isina ya maphe maondi; nde bowa makuta mande mokoebes bane moose, mikai, maliti bowakaeolanga nkati inno-ikai nande, mokondea moose masaali meesekeleke bane. ²⁸ Enekeke, baana banuke, ilelai koika we, bondia abowa yo moneka, teika na koa-koa ka liti, na mokolo kande ute kangi na n'soni na koekana nade. ²⁹ Aika, waeba mbe we engame, eba mbele, woose owa wokota kofoa wobotekei nande.