¹ Usaba wa mbuwa Habakuki. ² Ee Mlume, nihuliche mwano gobe, na nene namona booba; Ee Mlume, byula mgilo gobe uhuma u babu hawingi ha myaa; hawingi ha myaa ute mbila gya mwano gwage; ha buhuchi uengeleche uleelela. ³ Abetcha achwile uhuma Temani, Gee minee guli mmaha uhuma u loono Parani, Ugengeda wage uwilile gulu, Na sii gigilule na utunywa wage. ⁴ Lwenge lwage lubele nahi buhaha,Gubele na migwi gya gihahamlubachu lwage; Noo m'bele m'biswe uoma wage. ⁵ hambele hage hagile bisumi, Na maala ma ahyaa mahumine u magulu mage. ⁶ Gugimene, gudandiche sii; Gulolile, gubabule mioga, Na koono cha aala chisaliye , Tuono taala tuginamine; Mgyashichi gwage gubele nahi myaa gyaala. ⁷ Nimonine bitula bya Kushani mnda asusu; Mapashiya ma sii gya Midiani madandile. ⁸ Wii! Mlume guchigililwe yulu ya ngudi? Wii! Sngu chobe chibele yulu ya ngudi, Ao buhuchi bibe yulu ya bahali, Ata wahuchina falasi chobe, Mnda tubili-bili tobe twa uhogononywa ? ⁹ Buta bobe bubiilwe hululu abisa; Ulaha ulahile abila ibele inywa ya iomu; usambule sii wa ngudi. ¹⁰ Koono chiumonine,chimwene booba ,Imbi ludi ihishile;Mabenga mahuminye lidi lyage, Biginunine hegulumaboo mage. ¹¹ Chuba na mwechi bigimene m'bushamo bwabo; Umbele wa buhaha bwa migwiigyobe hagimwagiye, umbele wa lwenge lwa sumo lyobe lya menga mailu. ¹² Ugiile m'bwingi mwasii wa buhuchi ; Ubahulile mioga wa sungu . ¹³ Uchwile wa yulu ya uhogononywa wa batu bobe, Wa yulu ya uhogononywa wa mshiniwa mauta gobe; Ugubelile mswee gwa ndu gya bagila bubii,Ugubiile hululu mshingi ndaa na umwamba. ¹⁴ Uguchigiche mswee gwa bimume pambwa byabo wa bibogo byabo bobene; Bachwile nahi isukishi bululi basambalache; Iyaka baseelele ubamina bambuchuwa bubisa. ¹⁵ Uhyilile bahali na falasi chobe, m'bimbi gwa madi mengi ma uoma. ¹⁶ Nihuliche, na guma lyanyi lidandile, milomo gyanyi idigile wa lidi liya; Bulema bugingile mmauda manyi, Nidandile ha bushamo bwanyi; bululi naoshe uhemba liya chuba lya asusu, Ihichi yabo balwi ba bita balihuchwa yulu ya batu ¹⁷ Bululi mtini gushihuhunya mauwa, ata na mzabibu mushibii na biguma; asusu a mzeituni abi bunene, Na mabala mashihunya biliwa; Lihaa chenyu mushibi bisuganywa, Ata m'bitula mushibi na ihichi ng'ombe . ¹⁸ Wa bibyo nimseelela Mlume Niitona Abetcha wa uhogononywa wanyi. ¹⁹ Abetcha gee noo Mlume, noo uoma wanyi, Gee nungita magulu manyi nahi ma kulungu, Nage gwingyasha mmihana yanyi ya iginyuwe,