¹ Nene nigimana wa uyesha wanyi, nilibiya hegulu ha mwamba, nilola yulu namone yelisambila, na biya byandimgaa wa yulu ya ugaba wanyi. ² Mlume gungaile, guganine, umagole maloubiite bibe hululu abisa u bibao, gegese gwibisoma gabisome nahi madi, ³ Bululi mano malo mashinaba hano ii mengo maganinywe, mahuita abilo mahyile isula yage, namo mashidogoma lulimi; inangwa misinga, umahembe,yulu malihuchwa tu, mashisinga. ⁴ Loola , mtima gobe gulihulitona, gushi na ulisacha mnda mwage; mndi gwa kiine gwii hama wa uwasha wage. ⁵ Ehe, hamwechi na bibyo, divai ii mdagulanyi gwa ubichana, mtu gwa buhulihuli gushibashama mndu gyage; usolela ubenja wage nahi usinda, nage nuuba nahi itumba, gushinaosha ugyuta; iliho ii uliongolela mioga gyose; na ulibiila tubila tose mitala mitala. ⁶ Wii! Babo bose bashilibigisha yulu yage, na mihinguyulu yage, baganine, Luhanga lubi wa guya mine gulihuongecha biya byine bishi bitundu byage ! ata mengi nai? Na luhanga lubi lwage gee gwaliswia mchigo gwa mbwate ya maboo ! ⁷ Wii! Bashiginyuwa abilo babo bene biuchiga, bashibyuwa baya bene biudegya, na gogwe ubi kole gyabo? ⁸ Bululi uwatile kole mioga gingi, bene beshigele ba mioga gyose noo biuwata gogwe kole; wa yulu ya mashi ma batu, na wa yulu ya buhuli-hulibugulilwe ino ibaloo, na gino mbuga, na batu bose balihushama mnda mbuga. ⁹ Luhanga lubiwa guya gulihuha ndu gyage bibya bibee ,yulu galibiile iisa yage hegulu, yulu galohonye na uboo wa bubii! ¹⁰ Gogwe wagiita ndu gyobe yulu ya abule, wa yulu ya uhanya batu beengi, na gogwe wagila buubi mnda mtima gobe. 11 Bululi liwe lyita mdodo wibambacha, na komba moyo uutala gwa miti lyigaa. ¹² Luhanga lubi wa guya gulihugubaambuga wa mashi, na ugigimiya mbuga gyata wsa bubii. ¹³ Loolwe; Wii! ino ihisho isahuma wa mlume gwa bilume papbwa,ugana batu bashigilile ahyaa, na mioga bashiliimye wa yulu ya itu ya bunene. ¹⁴ Bululi sii gyigiluchiwa na lwengu lwa ugengedawa Mlume,nahi biya madi byamasutupuawa m'bahali. ¹⁵ Luhanga lubi wa guya gulihuha m'binji nage byuolwa gogwe ulihubiya buti bobe, na uumocha iyaka, yulu ya ubulola buchi bwabo ! ¹⁶ Wagilula abulehanyuma ha ugengeda; unywe na gogwe, ube nahi mtu gushigile kumbi; isengo ya uboo wa Mlume yigagalulwa na uigae, na abule aata abiyulu ya bugengeda bobe. ¹⁷ Wa bibyo bubii bene bugililwe yulu ya Lebanoni wiuunina, na uchimiwa wa nyama wiubiya iduba; wa yulu ya mashi ma batu, na wa yulu ya bubii bwine bugililwe mgino sii,na mgino mbuga, na wa batu bose balihushama mnda mbuga. ¹⁸ Miishi gya ubada gilihuwatilicha ii, ata ge gugiitile gwagibada? Miishi gya usumbulucha nagyo ii mgigya gwa lulimi, gyiita ii, ata gee mine gugiitile gagibiile maudagilo mage, na ubada miishi gishihuosha udogoma? ¹⁹ Luhanga lubi lwa guya gulihusambila mti, Byuwa; gulihuliganina liwe lyine lishinaosha udogoma, Huma! Wii! Iyo itu yigigya? Loola yawilwa na nolon bumona, na mnda mwage mushi ata luhuda abisa. ²⁰ Ila Mlume guli mnda mwa lubunga lwageluhha; ibaloo yose na isha pii mbele gyage.