¹ Uununilwa welimonine mbuwa Kahakuki. ² Ee Mlume, nalile ata mengo naii ,gogwe ushihubenja upulicha? nilihulilila yulu ya bubii, na gogwe ushihubenja upogonona. ³ Yulu y.a ii wamonya bubii, na uningya buhulihuli ? bululi udoga na ludugya bili mbele gyanyi; hali byumano na uhidana bili hoo. ⁴ Bululi gugo m'bindo gwalebela, na uonona ushi upatigana; yulu batu babii balibachulubu batu ka kiine; wa yulu bibyo uonona ubepatigana wahuhengewa . ⁵ Loolwe,benywe bene bali hawingi ha mioga, chiililwe, mugagilwe abisa; yulu nene naila ihisho masugu menyu, yine yamushiwasha ata mwahuambilwa. ⁶ Bibyo, mulole, nibahunya Bakaldayo, guya mmoga gwa bukuchi, yine yine sungu uhima abisa; balihuhita nda ibaloo,yulu bahyilile bushamo bushi bwabo. ⁷ Babo ii batu ba udidibucha abisa, na udanja abisa; uonona wabo na bwata bwabo bisuuhuma mnda mwa bichulichuli byabi bya mwego boo bene. ⁸ Falasi chabu ii chihuhu uhima magoo,, bali na buhuchi uhima mibwa bwa ma igolo; na bachinyi babo ba falasi bali hulibanga Ehe.bachinyi ba falasi babo balihuhuma koo; balihuguluwa na loochi luli hugya abilo luye. ⁹ Bachwa bose yulu bugile bubii; byenyi byabo bili hulola chungu chungu nahi mnaga gwa mlugulu, nabo baluhuongola kole nahi isee. ¹⁰ Ehe, balihuseya maoloo, na baulu ii itu ya usebululwawage; usebulula kila businino; yulu ii uita mtala gwa ihwili na uiguha. ¹¹ Hanyuma gwihita wa abilo, nahi mnaga, gwihita nabuba gushi na abachi; gee uoma wage ii abetcha age ¹² Ee, Mlume, Abetcha anyi, mmaha gwanyi, gogwe ushi gwa milumbu ? Tushiwa,. Ee Mlume, wamgolela uonona, na gogwe, Ee liwe,wam'biya boo bululi gaononywe. ¹³ Gogwe uli na mesoma too na ushihubenja ulola bubii, gogwe mine ushinasha ulola buhulihuli, mdi ulihubalola bene balihugila wa uduga; na washama pii, haho mtu mdogu guluhumina mtu gwa kiine, uli gee; ¹⁴ na ubaita batu nahi swii cha m'bahali, nahi bitu bilihugandala, byine bishi na oolo ? ¹⁵ Gee gusuubaloba wa bugela bwage, na ubasenga wa bwila bwage, na ubaongola wa mgono gwage; nooyulu gwa seelela na ubibenja. ¹⁶ Wa yulu ya bibyo gusutangila maila mage lutangi,na uguhelelela buswenga mgono gwage, bululi bwa bibyo bitu mtala gwage gwanona na iliwa yage ili mitala. ¹⁷ Wii! gwichihunya chya chine chili ii maila mage, gashileye ubahaga batu ba mioga na ugililila ?